"Ilham toxtini qollash" guruppisi tutqundiki Uyghur ziyaliysining tughulghan künini tebriklidi

Muxbirimiz memetjan jüme
2021-10-24
Share
Amérika dölet mejlisining xitay ishliri kométiti tutqundiki ilham toxti heqqide bayanat élan qildi Xitay hökümiti teripidin muddetsiz qamaq jazasigha höküm qilin'ghan Uyghur ziyaliysi ilham toxti tutqun qilinishtin ilgiri öyide muxbirlarning so'aligha jawab bermekte. 2013-Yili 4-féwral, béyjing.
AP

Tutqundiki Uyghur ziyaliysi ilham toxtining 52 yashliq tughulghan küni gérmaniyege jaylashqan "Ilham toxtini qollash" guruppisi bayanat ‍élan qilip, uning tughulghan künini tebriklesh bilen birge uning jismaniy we rohiy saghlamliqigha bolghan endishisining künséri küchiyiwatqanliqini bildürdi.

Milletler uniwérsitétining oqutquchisi, iqtisadshunas ilham toxti 2014-yili "Bölgünchilik" qatarliq jinayetler bilen muddetsiz qamaq jazasigha höküm qilin'ghan. U türmige tashlinishtin ilgiri Uyghurlar bilen xitaylar arisidiki chüshinishni ilgiri sürüsh teshebbusini otturigha qoyghandin bashqa xitayning Uyghurlargha bergen aptonomiyesini tenqid qilghan.

"Ilham toxtini qollash" guruppisining bayanatigha qarighanda, nöwette ilham toxtining iz-dériki we salametlik ehwali toghrisida resmiy uchur yoq bolghandin bashqa, uning ayali güzelnur yéqinqi besh yildin béri érini yoqlash pursitige érishelmigen.

Bayanatta mundaq déyildi: "Ziyaretni azaytish, körüshüsh teleplirini ret qilish, basturup qoyush buyruqi we a'ilisidin qesten öch élish qatarliqlar, Uyghur tetqiqatchisini peskesh mu'amililer we psixikiliq qiynaqlar bilen jazalash üchün üchün mexsus layihelen'gen."

Bayanatta yene munda déyildi: "Xelq'ara jem'iyetning proféssor ilham toxtining jismaniy we rohiy saghlamliqigha bolghan endishisimu künséri küchiyiwatidu. Chünki ötken 5 yildin béri a'ilisidikilerning uni yoqlishigha yol qoyulmidi. Nobél tinchliq mukapati sahibi lyu shyawboning muwapiq dawalinishqa érishelmey türmide alemdin ötkenliki we nurghun Uyghurlarning jaza lagérliridin qoyup bérilgendin kéyin uzun ötmeyla qaza qilishi proféssor ilham toxtining teqdirige bolghan endishini kücheytiwetti."

Ilham toxti qolgha élin'ghandin buyan "Saxarof mukapati", "Martén annalis kishilik hoquq mukapati", "Wéymar erkinlik mukapati" qatarliq 10 din artuq xelq'araliq mukapatlargha érishken we u yene uda ikki qétim "Nobél tinchliq mukapati" gha namzatliqqa körsitilgen idi.

Melum bolushiche, "Ilham toxtini qollash" guruppisi ilham toxtining tughulghan künige béghishlan 26-öktebir bir yumilaq üstel söhbiti uyushturidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet