Qeyseridiki Uyghur musapirlargha yardemler kelmekte
2015.01.22
Igiligen melumatlirimizgha asaslan'ghanda, sherqiy jenub asiya döletliridin türkiyege kelgen Uyghurlargha her türlük yardem yétip kelmekte. Türkiyege kelgen Uyghur musapirlargha türkiyening qeyseri wilayetlik hökümet 100 yürüsh öy tesis qilghan idi.
Hazir bu sheherge kelgen Uyghurlarning sani 800 din éship ketken. Bulargha qeyseridiki türk ammiwi teshkilatlar, hökümet idariliri, her qaysi mektep we shexsler yardem buyumlirini yetküzgen. Hazir mezkur Uyghurlargha bir yil yétidighan un, shéker, yagh, tuz, kiyim-kéchek we yotqan körpe ambargha qoyulghan. Hetta bashlan'ghuch mektep oqughuchiliri ata-anisi bergen pullirini élip kélip Uyghur balilargha yardem qilghan.
Qeyseri sheherlik hökümet mexsus höjjet chiqirip, sherqiy türkistan medeniyet we hemkarliq teshkilatigha musapir Uyghurlar üchün i'ane yighish hoquqini bergen hemde waliy mehkimiside Uyghur musapirlargha yardem bérish merkizi quruldi.
Biz bu yardem pa'aliyetliri heqqide tepsiliy melumat igilesh üchün dunya Uyghur qurultiyining mu'awin re'isi séyit tümtürk ependi bilen téléfon söhbiti élip barduq.
Tepsilatini awaz ulinishidin anglighaysiz.
Köp körülgen xewerler
RFA
- Uyghurlar “Jungxu'a milliti” emes, xitay éytimidiki “Anarning danisi” mu emes!
- Doktor erkin sidiq: “Pa'aliyitimiz arqiliq Uyghurlarning yoqap ketmigenlikini we yoqap ketmeydighanliqini ispatlaymiz!”
- Xitayning mustemlike ma'aripida yoq qiliniwatqan Uyghur tili
- Doktor adriyan zénz bilen söhbet: xelq'ara emgekchiler teshkilati we Uyghur mejburiy emgiki
- Amérika qatarliq 9 dölet Uyghurlar heqqidiki ortaq bayanatini b d t kishilik hoquq kéngishide élan qildi