Dolqun eysa: “Irélandiye hökümiti we parlamént ezaliri xitayning bésimigha qarimay bizni qizghin kütüwaldi”

Ixtiyariy muxbirimiz erkin tarim
2022.02.25
Share on WhatsApp
Share on WhatsApp
Dolqun eysa: “Irélandiye hökümiti we parlamént ezaliri xitayning bésimigha qarimay bizni qizghin kütüwaldi” D u q re'isi dolqun eysa ependi bashchiliqidiki hey'et ömiki irélandiye parlamént ezaliri bilen. 2022-Yili 23-féwral.
RFA/Erkin Tarim

Dunya Uyghur qurultiyi hey'etler ömikining irélandiyege élip barghan ziyariti-23féwral küni axirlashqan. D u q re'isi dolqun eysa bashchiliqidiki hey'et ömiki irélandiye hökümet xadimliri, parlamént ezaliri, kishilik hoquq teshkilatlirining mes'ulliri we birleshken döletler teshkilatining irélandiyede turushluq pütükchisi bilen uchrashqan. D u q re'isi dolqun eysa ependi 3 kün dawamlashqan bu qétimqi irélandiye ziyaritining meqsiti toghrisida melumat bérip mundaq dédi: “Bizning bu qétimqi irélandiye ziyariti töwendiki bir qanche nuqtigha merkezleshken bolup biri, en'gliyediki Uyghur kollégiyesi xitayning Uyghurlargha élip bériwatqan siyasitini‚irqiy qirghinchiliq‛dep békitkendin kéyin hazirghiche sükütte turuwatqan hökümetler we parlaméntlerni jiddiy heriketke ötküzüsh zörüriyiti tughdi. Hazirghiche 8 döletning parlaménti ‛irqiy qirghinchiliq‚ dep qobul qilghan bolsimu, 1948-yili maqullan'ghan irqiy qirghinchiliq ehdinamisige qol qoyghan döletlerning buni toxtitish mejburiyiti bar idi. Lékin xitay tetür teshwiq qilip yürüp bezi döletlerning béshini qaymuqturghan idi. En'gliyediki Uyghur kollégiyesi buni ‛irqiy qirghinchiliq‚ dep békitkendin kéyin her qaysi döletlerning bu mesilide sükütte turuwélishigha seweb qalmighan. Shunga biz 2022-yilidiki eng muhim xizmetlirimizdin birini, téxiche sükütte turuwatqan döletlerning hökümetlirini, parlaméntlirini heriketke ötküzüshtin ibaret. Bu meqset bilen tunji ziyaritimizni irélandiyege élip barduq”.

D u q re'isi dolqun ependi eysa irélandiye parlaméntida doklat bermekte. 2022-Yili 23-féwral.
D u q re'isi dolqun ependi eysa irélandiye parlaméntida doklat bermekte. 2022-Yili 23-féwral.
RFA/Erkin Tarim

D u q re'isi dolqun eysa ependining bildürüshiche, özlirini 8 neper irélandiye parlamént ezasi qizghin kütüwélip, ayrim-ayrim uchrashqan, shundaqla ular üchün irélandiye parlaménti birnechche meydan guwahliq yighini orunlashturup bergen. Bu jeryanda d u q hey'iti xadimliri irélandiye hökümet emeldarlirigha Uyghurlarning hazirqi éghir weziyiti toghrisida tepsiliy melumat bergen we irélandiye hökümitige we parlaméntigha bolghan teleplirini otturigha qoyghan. Dolqun eysa ependi bu heqte toxtaldi.

D u q hey'itining irélandiyege élip bériwatqan ziyariti jeryanida dublindiki xitay bash elchixanisi irélandiye hökümitige naraziliq xéti tapshurghan bolup, xette “Xitaygha qarshi bölgünchiler teshkilati bolghan d u q xadimlirining irélandiye hökümet emeldarliri bilen körüshkenlikini qattiq eyibleymiz” dégen. Emma irélandiye tashqi ishlar ministirliqi buninggha jawab qayturup: “Biz Uyghurlar duch kéliwatqan paji'elik ré'alliqni xitay hökümiti bilen bolghan söhbette dawamliq tekitleymiz. Chünki kishilik hoquq mesililiri her da'im irélandiye tashqi siyasitining qimmet qarishi” dégen. Dolqun eysa ependi bu heqtimu melumat berdi.

Dunya Uyghur qurultiyining programma diréktori zumretay erkin xanim irélandiye parlaméntida herqaysi partiyelerning parlamént ezalirimu ishtirak qilghan yighin ötküzülgenlikini yighinda d u q re'isi dolqun eysa bilen özining söz qilip, Uyghurlarning hazirqi éghir weziyitini otturigha qoyghandin sirt, bezi konkrét teleplerni otturigha qoyghanliqini bayan qildi.

Dolqun eysa ependi d u q rehberlirining bu qétimqi ziyaritige irélandiye axbaratining nahayiti qiziqqanliqini ilgiri sürdi.

Irélandiyening paytexti dublin shehiride 250 etrapida Uyghur bar bolup, ularning teshkilati bolmisimu jama'et bolup bezi pa'aliyetlerni ötküzüp kelmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet