“уйғур ирқий қирғинчилиқи” ни тохтитиш бойичә испат аңлаш учришиши өткүзүлгән

Ихтиярий мухбиримиз әркин тарим
2022.10.14
Share on WhatsApp
Share on WhatsApp
“уйғур ирқий қирғинчилиқи” ни тохтитиш бойичә испат аңлаш учришиши өткүзүлгән Д у қ ниң лондондики ишханисиниң мәсули рәһимә мәхмут ханим вә явропада турушлуқ лагер шаһитлиридин қәлбинур сидиқ ханим вә гүлбаһар хативаҗи қатарлиқлар чехийә парламентида. 2022-Йили 10-октәбир.
Photo: RFA

Чехийә йәрлик парламентида өткүзүлгән гуваһлиқ бериш йиғинида уйғурларниң чехийә һөкүмитигә болған тәләплири оттуриға қоюлған.

Америка башчилиқидики бәзи ғәрб дөләтлириниң б д т кишилик һоқуқ кеңишигә сунған тәклип лайиһәсигә қарита 6-өктәбир күни җәнвәдики б д т штабида авазға қоюш йиғини болғаниди. Нәтиҗидә бу тәклип лайиһәсини қоллаш 17 авазға, қарши туруш 19 авазға еришип, тәклип лайиһәси рәт қилишқа учриғаниди. Бу һадисидин кейин дуня уйғур қурултийи мәзкур тәклип лайиһисини қоллиған дөләтләргә рәһмәт ейтиш вә буниңдин кейин хитайға техиму көп бесим ишлитишни қолға кәлтүрүш мәқсити билән чехийәдә 3 мәйдан паалийәт өткүзгән.

10-Өктәбир чехийә пайтәхти пирагадики парламентта өткүзүлгән гуваһлиқ бериш йиғинини парламент әзаси әва дәкроих(Eva Decroix )ханим уюштурған болуп, мәзкур паалийәткә чехийә парламенти ташқи ишлар комитети мәсули һаято җосиф окамура (Hayato Josef okamura) әпәнди вә кишилик һоқуққа мәсул парламент әзалиридин болуп муһим кишиләр иштирак қилған.

Д у қ ниң лондондики ишханисиниң мәсули рәһимә мәхмут ханим вә явропада турушлуқ лагер шаһитлиридин қәлбинур сидиқ ханим вә гүлбаһар хативаҗи қатарлиқлар чехийә парламентида. 2022-Йили 10-октәбир.

Бу йиғинға д у қ ниң лондондики ишханисиниң мәсули рәһимә мәхмут ханим вә явропада турушлуқ лагер шаһитлиридин қәлбинур сидиқ ханим вә гүлбаһар хативаҗи қатарлиқлар қатнишип сөз қилған.

Улар “ирқий қирғинчилиқ” ни етирап қилған чехийә парламентигә рәһмәт ейтқандин кейин йеңи тәләплирини оттуриға қойған.

Радийомиз зияритини қобул қилған рәһимә мәхмут ханим йиғинда оттуриға қоюлған тәләпләр һәққидә мәлумат бәрди. У, мундақ деди: “чехийә һөкүмитигә қойған тәләплиримиз, уйғур ирқий қирғинчилиқини етирап қилиш. Буни етирап қилғандин кейин, буни тохтитиш тоғрисида сиясәт елип бериш. Ирқий қирғинчилиққа четишлиқ болған хитай рәһбәрлирини вә ширкәтлирини җазалаш. Мәҗбурий әмгәктин келиватқан мәһсулатларни тосуш қатарлиқлардин ибарәт. Булар дуня уйғур қурултийи барлиқ дөләтләргә дәватқан тәләпләрдур”.

Лагер шаһити қәлбинур сидиқ ханимму зияритимизни қобул қилип, өзиниң җаза лагерида көргәнлирини аңлатқандин сирт хитайниң һазир юқумни баһанә қилип туруп, уйғурларни ач қоюп өлтүрүватқанлиқини оттуриға қойғанлиқини билдүрди.

Д у қ ниң лондондики ишханисиниң мәсули рәһимә мәхмут ханим вә явропада турушлуқ лагер шаһитлиридин қәлбинур сидиқ ханим вә гүлбаһар хативаҗи қатарлиқлар алий мәктәп оқуғучилири билән. 2022-Йили 10-өктәбир, чехийә.

Қәлбинур сидиқ ханим, йиғинда оттуриға қоюлған тәләпләргә чехийә парламент әзалириниң иҗабий җаваб бәргәнликини, 6-өктәбирдә хитайниң 2 аваз пәрқ билән утуп чиқишиниң уйғурлар үчүн мәғлубийәт әмәсликини тәкитлигәнликини билдүрди.

Нөвәттә фирансийәдә яшаватқан лагер шаһити гүлбаһар хативаҗи ханим 2020-йили фирансийәлик росән моргант билән бирликтә лагердики кәчүрмишлирини “хитай гулагидин һаят қалған гүлбаһар хативаҗиниң гуваһлиқи” дегән намда фирансузчә нәшр қилдурғаниди. Фирансузчә нәшридин кейин, мәзкур китаб дәрһал “хитай лагеридин һаят қалғучи” намида чех тилиғиму тәрҗимә қилинған. У бу қетим чехийә парламенти билән бир университетта гуваһлиқ бәргәнликини, бу йәрдә көп кишиниң китабини оқуғанлиқидин хәвәрдар болғанлиқини тилға алди.

Дуняниң һәрқайси җайлирида йүз бериватқан кишилик һоқуқ дәпсәндичиликини, болупму хитайни әйибләп уйғурларни қоллашта алдинқи қатарда туруп келиватқан чехийә, һазирғичә д у қ вә башқа аммиви тәшкилатлириниң нурғун паалийәтлиригә саһибханилиқ қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.