Jenwediki b d t bash shitabi aldida xitaygha qarshi namayish ötküzüldi

Ixtiyariy muxbirimiz ekrem
2019-06-25
Élxet
Pikir
Share
Print
B d t kishilik hoquq kéngishining 41-nöwetlik yighini munasiwiti bilen d u q uyushturghan namayishta d u q re'isi dolqun eysa we Uyghur ziyaliysi abduweli ayup ependiler sho'ar towlimaqta. 2019-Yili 24-iyun, jenwe.
B d t kishilik hoquq kéngishining 41-nöwetlik yighini munasiwiti bilen d u q uyushturghan namayishta d u q re'isi dolqun eysa we Uyghur ziyaliysi abduweli ayup ependiler sho'ar towlimaqta. 2019-Yili 24-iyun, jenwe.
RFA/Ekrem

B d t kishilik hoquq kéngishining 41-nöwetlik yighini munasiwiti bilen dunya Uyghur qurultiyi bügün jenwede namayish uyushturdi.

D u q ning biwasite teshebbusi bilen 24-iyun küni b d t ning jenwediki bash shitabi aldida gérmaniye, en'giliye, fransiye, awstiriye, gollandiye, bélgiye, shiwétsariye qatarliq döletlerdin kelgen Uyghurlar xitaygha qarshi birleshme namayish élip bardi.

D u q re'isi dolqun eysa ependi bu qétimqi namayishning échilish nutuqini sözligende aldi bilen herqaysiy döletlerdin bir kéche yol yürüp alayiten mushu namayish üchün kelgen wetenperwer Uyghurlargha bolghan hörmet we rehmetlirini ipade qildi.

Dolqun eysa ependining bildürüshiche, bu qétimqi namayishning meqsiti xitayning atalmish shinjang Uyghur aptonom rayonining qorchaq emeldarliridin biri bolghan erkin tuniyazni b d t kishilik hoquq kéngishining 41-nöwetlik yighinining échilish murasimida sözlitip, jaza lagérlirini perdazlap körsitish suyiqestini tarmar qilishtin ibaret iken. Dolqun eysaning tekitlishiche, ularning bu namayishi xitayning yalghan teshwiqatini bitchit qilishta melum ünüm hasil qilghan.

Dolqun eysa ependi sözide yene namayish ehlige ilham bérip, heqning bügün küch-qudret sahibi bolghan xitayda emes, belki Uyghurlar terepte ikenlikini, xitaygha qarshi bu küreshning axirqi hésabta ghelibige érishidighanliqini tekitlidi.

D u q ning mu'awin re'isi perhat muhemmidi ependi neq meydandin ziyaritimizni qobul qilghanda bu qétimqi namayishning del waqtida, del ornida élip bérilghan netijilik bir namayish bolghanliqini eskertti.

Qurultay tetqiqat komitétining mudiri enwer ehmet ependimu öz qarashlirini izhar qilip ötti. Gollandiyedin kélip bu namayishqa ishtirak qilghan d u q medeniyet komitétining mudiri zeynidin ependi namayishning nahayiti janliq ötkenlikini, xitayning jaza lagérlirini perdazlap körsitish hiylisining berbat bolghanliqidin xursen bolghanliqini tekitlidi.

D u q re'isi dolqun eysa ependi bügün chüshtin burun bashlan'ghan b d t kishilik hoquq kéngishining 41-nöwetlik yighinining échilish murasimigha qatnashqan. Uning tekitlishiche, yene ikki hepte dawam qilidighan bu yighinda d u q wekilliri jaza lagérliri mesilisining b d t yighinlirida da'ima küntertipte turushi üchün dawamliq tirishchanliq körsitidiken.

Uning bildürüshiche, yighinning bügün chüshtin burunqi échilish murasimida söz qilghan b d t kishilik hoquq aliy komissari méshil bachélot xanim nutuqida Uyghurlar mesilisini alahide tilgha élip ötken we xitaygha qaritip b d t ning Uyghur diyarini cheklimisiz ziyaret qilish shertini yene bir qétim tekrarlighan.

Toluq bet