Jenwede “Uyghur irqiy qirghinchiliqi” gha qarshi 3 chong pa'aliyet ötküzüldi

Ixtiyariy muxbirimiz ekrem
2022.09.20
Jenwede “Uyghur irqiy qirghinchiliqi” gha qarshi 3 chong pa'aliyet ötküzüldi D u q rehberlikidiki bir guruppa wekiller b d t binasi aldida élip barghan “Irqiy qirghinchiliq körgezmisi” namliq resim körgezmisi pa'aliyitidin körünüsh. 2022-Yili 19-séntebir, jenwe.
RFA/Ekrem

B d t kishilik hoquq kéngishining 51-nöwetlik omumiy yighini 12-séntebir jenwede bashlan'ghan bolup, 19-sintebirdin bashlap d u q rehberlikidiki bir goruppa wekiller b d t binasi aldida “Irqiy qirghinchiliq körgezmisi” namliq resim körgezmisi pa'aliyitini bashlighan. D u q re'isi dolqun eysa ependi bu heqte ijtima'iy taratqulargha qilghan sözide, körgezmige qoyulghan resimlerning hemmisining xitay arxipliridin we “Shinjang saqchi höjjetliri” din élin'ghanliqini eskertken.

Jenwedin ziyaritimizni qobul qilghan d u q re'isi dolqun eysa ependining bildürishiche, bügün jenwede “Uyghur irqiy qirghinchiliqi” gha qarshi 3 chong pa'aliyet élip bérilghan bolup, u d u q ning bu pa'aliyetlerni teshkilleshtiki meqsiti heqqide toxtilip ötti.

D u q rehberlikidiki bir guruppa wekiller b d t binasi aldida élip barghan “Irqiy qirghinchiliq körgezmisi” namliq resim körgezmisi pa'aliyitidin körünüsh. 2022-Yili 19-séntebir, jenwe.

20-Séntebir küni chüshtin burun jenwediki axbarat sariyida ötküzülgen “B d t ning doklati we ‛Uyghur sot kollégiyesi‚ ning hökümi heqqide axbarat élan qilish yighini” namliq yighin'gha köp sanda kishi qatnashqan. D u q bérlin ishxanisining mudiri gheyur qurban ependining bildürishiche, bu yighinda “Uyghur irqiy qirghinchiliqi” hökümini chiqarghan “Uyghur sot kollégiyesi” ning bash sotchisi jéfféry nays qatarliq birqisim muhim shexsler söz qilghan.

D u q rehberlikidiki bir guruppa wekiller b d t binasi aldida élip barghan “Irqiy qirghinchiliq körgezmisi” namliq resim körgezmisi pa'aliyitidin körünüsh. 2022-Yili 19-séntebir, jenwe.

20-Séntebir küni yene yawropaning herqaysi elliridin kelgen köpligen Uyghurlar b d t binasi aldida birleshme namayish élip barghan. D u q ijra'iye komitétining mu'awin re'isi turghunjan alawudun ependi bu heqte toxtalghanda, namayishning sherqiy türkistanda dawam qiliwatqan Uyghur irqiy qirghinchiliqigha qarshi turushni meqset qilghanliqini tilgha aldi. Bu namayishta “Uyghur sot kollégiyesi” ning bash sotchisi jéfféry nays ependimu nutuq sözligen.

Jenwediki axbarat sariyida ötküzülgen “B d t ning doklati we ‛Uyghur sot kollégiyesi‚ ning hökümi heqqide axbarat élan qilish yighini” din kéyin “Uyghur sot kollégiyesi” ning bash sotchisi jéfféry nays qatarliqlar bilen xatire süret. 2022-Yili 20-séntebir, jenwe.
Jenwediki axbarat sariyida ötküzülgen “B d t ning doklati we ‛Uyghur sot kollégiyesi‚ ning hökümi heqqide axbarat élan qilish yighini” din kéyin “Uyghur sot kollégiyesi” ning bash sotchisi jéfféry nays qatarliqlar bilen xatire süret. 2022-Yili 20-séntebir, jenwe.
RFA/Ekrem

Gollandiyedin kelgen lagér shahiti qelbinur sidiq xanim ziyaritimizni qobul qilip, jenwede bügün ötküzülgen 3 chong pa'aliyet toghrisidiki tesiratlirini bayan qilip ötti. Fransiyedin kelgen lagér shahiti gulbahar xatiwajimu bu xususta oylighanlirini ipade qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.