Җәвлан ширмәмәт: «хитайниң зулумидин апам мәһбус, дадам кесәл, укам гумандар»

Мухбиримиз шөһрәт һошур
2020-01-15
Share
Suriye_Tursun-Jewlan-Shirmemet.jpg Җәвлан ширмәмәт аписи сүрийә турсун билән биргә.
Photo: RFA

Мәлум болушичә, қорғас наһийәлик сода-санаәт бирләшмисидә 30 йил хизмәт қилған, бу йил 56 яшқа киргән сүрийә турсун түркийәдә оқуватқан оғли җәвлан ширмәмәт билән дидарлишиш вә униң оқуватқан мәктипини өз көзи билән көрүш үчүн 2013 ‏-йили бир саяһәт гурупписи тәркибидә түркийәдә 15 күн зиярәттә болған. Әмма у чәтәлдики балисиини көрүшниңму «җинайәт» санилип қелишини һеч тәхмин қилмиған. 2018‏-Йилниң бешида йолдиши вә кичик оғли билән илгири-кейин тутуп кетилгән сүрийә турсун 2019‏-йилниң бешида «дөләт маарипини көзгә илмаслиқ» билән әйиблинип 5 йиллиқ кесиветилгән. Йолдиши ширмәмәт лагерда еғир кесәлгә муптила болғандин кейин аилисигә қайтурулған, кичик оғли намәлум сәвәб билән қоюп берилип, «сабиқ тутқун» дегән намда җәмийәттә назарәт астиға елинған. Төвәндә бу аилиниң қисмитини сүрийә турсунниң түркийәдики оғли җәвлан ширмәмәтниң өз еғиздин аңлайсиләр.

Һөрмәтлик радийо аңлиғучилар, түркийәдә яшаватқан җәвлан ширмәһәммәт билән өткүзүлгән юқириқи сөһбәттин кейин биз униң анисиниң әһвали һәққидә қорғас наһийәлик сода-санаәтни мәмури башқуруш идарисидин мәлумат соридуқ. Алақидар хадимлар сүрийә турсун һәққидә еғиз ечиштин өзлирини қачурди. Әмма улар өзлириниң илгири сүрийә турсун дәп бир хизмәтчиси болғанлиқи вә тутқунда икәнликини инкар қилмиди. Мәзкур идарисиниң бир бөлүм башлиқи сүрийә турсун һәққидә өзиниң мәлумат берәлмәйдиғанлиқи вә бу һәқтә җ. Х. Тармақлиридин мәлумат елишимизни тәвсийә қилиш арқилиқ җәвлан ширмәмәтниң аилиси һәққидә игилигән учуримизниң тоғрилиқини ишарәтлиди. 

Тәпсилатини йоқириқи аваз улинишидин аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт