Uyghur rayonidiki j x idarisi yérim yilliq doklatini élan qildi
2004.07.22
Uyghur aptonom rayonluq jama'et xewpsizlik idarisi seyshenbe küni axparat élan qilish yighini chaqirip, Uyghur rayonining -2004 yilning aldinqi yérim yildiki jem'yet muqimlighini saqlash toghrisidiki doklatini élan qilghan hemde Uyghur rayonidiki herqaysi derijilik jama'et xewpsizlik organlirining 3xil küchke qattiq zerbe bérish herikitini ünümlük élip barghanlighini bildürgen.
Xitay xewer agéntlighining melum qilishiche, doklatta bu yil -1aydin -6 ayghiche bolghan mezgilde Uyghur rayonining jem'y 49295 déloni turghuzghanlighini we buning arisida 22053 déloni pash qilip, pash qilish nisbitini 44.7% Ke yetküzgenligini melum qilghan.
Doklatta “3 xil küch” ke qattiq zerbe bérishtin sirt yene, bashqa qarshi küchlerning ziyan sélish xaraktérlik heriketlirining aldini alghanlighi ilgiri sürülgen. Emma uningda bu 3 xil küchlerge munasiwetlik délolar yaki uninggha chétilghuchi shexsler üstide konkért toxtalmighan.
Xitay hökümitining Uyghur rayonida élip barghan herxil nam astidiki basturush heriketliri xelqara jem'iyet teripidin izchil eyiplinip, xitay hökümitining térorizim nami bilen Uyghurlarni basturiwatqanlighi tekitlenmekte