Peyziwattiki kent kadiri: "Qamal seweblik 'terbiyelesh' tin késel chiqqan abliz niyazning hayati xeter astida"

Muxbirimiz shöhret hoshur
2020-02-18
Élxet
Pikir
Share
Print
"Terbiyelesh" lagéridikilerning a'ile-tawabi'atliri bilen körüshtürülüwatqan körünüshi.
"Terbiyelesh" lagéridikilerning a'ile-tawabi'atliri bilen körüshtürülüwatqan körünüshi.
Social Media

Melum bolushiche, peyziwattiki bir lagérda boynigha qorqunchluq bir ösme chiqip qélip, 3 ayning aldida qoyup bérilgen abliz niyaz doxturxanigha bérip-kélip dawaliniwatqan mezgilde "Wuxen wirusi" seweblik kochilar qamal qilinip, doxturxanigha bérishqa amalsiz qalghan we dawalinishi üzülüp qalghan. Netijide uning boynidiki ösme kündin‏-kün'ge yoghinap, nepes élish we heriket qilishigha tosalghu bolghan. U olturushluq shaptul yézisidiki ahalilerning déyishiche, uning hayati nöwette éghir xewp astida turmaqtiken.

Inkas qilinishiche, "Wuxen wirusi" Seweblik Uyghur rayonida dawam qiliwatqan jiddiy halet, yeni ahalilerning öy qamaqqa élinishi Uyghur jem'iyitide her xil qiyinchiliq we paji'elerni keltürüp chiqarmaqtiken.

Biz bu ehwalning toghra yaki xataliqini aydinglashturush üchün peyziwattiki alaqidar organlargha téléfon qilduq. Xadimlar yuqiriqi ehwallar heqqide melumat bérishni qet'iy ret qildi. Emma izchil éniqlashlirimiz dawamida 3 ay awwal lagérdin qoyuwétilgen we doxturxanigha bérip kélip dawaliniwatqan abliz niyazning kocha-meheller qamal qilin'ghan 3 heptidin buyan dawalinishining üzülüp qalghanliqi we késilining éghirliship hayati xewpke duch kelgenliki ashkarilandi.

Melum bolushiche, 2017 ‏-yili 10 yilliq jaza mudditini emdila tügetken abliz niyaz türmidin qutulup lagérgha tutulghan. Sabiq mehbusluq "Gunahi" bilen lagérda ikki yérim yilche yatqan abliz niyazning boynida qorqunchluq bir ösme peyda bolup qalghanliqi üchün lagérdin qoyup bérilgen. Abliz niyaz peyziwat nahiyelik doxturxanigha bérip kélip dawaliniwatqan mezgilde "Wuxen wirusi" seweblik kochilar qamal qilinip, öydin talagha chiqalmighan we dawalinishi üzülüp qalghan. Ilgiri atushqa qarita élip barghan téléfon ziyaretlirimiz dawamida ahalilerning intayin jiddiy ehwal astida kenttin yol xéti élip sirtqa chiqalaydighanliqi, ruxsetsiz sirtqa chiqqan teqdirde 15 künlük "Terbiyelesh" ke ekitilidighanliqi melum bolghan. Ahalilerning déyishiche, "Terbiyelesh" tin qorqup ketken abliz niyaz doxturgha tekshürtüsh üchün öydin sirtqa chiqishqa jür'et qilalmighan. Kent kadirliri ahalilerge yémek-ichmek yetküzüsh aldirashchiliqida késel abliz niyazni doxturxanigha apirish yaki yol xéti bérishke waqit chiqiralmighan.

Alaqidar kent kadirning ashkarilishiche, ariliqta bir nöwet doxturgha tekshürtüsh pursitini qachurup qoyghan we 15 künche dorisi üzülüp qalghan abliz niyaz yéqinda bir qisim dorilargha érishken. Emma kéchikken dorilar uning boynidiki ösmining künséri yoghinishining aldini alalmighan. Nöwette boynidiki qosh ösme kündin-kün'ge yoghinap tuxumdek chongluqqa yetken hemde nepes élish we heriket qilishini qiyinlashturghan.

Peyziwattiki abliz niyazning ehwalidin xewerdar kishiler uning türmidin chiqip lagérgha, lagérdin chiqip öy qamaqqa qapsalghanliqigha échinish bilen birlikte uning nöwette hayatining éghir xewp astida ikenliki we doxturxanigha waqtida apirilip ösme opératsiyesi qilinmighan teqdirde 45 yashliq abliz niyazning hayatidin ayrilip qélish éhtimalliqini ilgiri sürmekte.

Toluq bet