Германийәдә 5-июл вәқәсиниң 8 йиллиқи мунасивити билән намайиш өткүзүлди

Ихтиярий мухбиримиз әкрәм
2017-07-06
Елхәт
Пикир
Share
Принт
5-Июл вәқәсиниң 8 йиллиқи мунасивити билән өткүзүлгән намайиштин көрүнүш. 2017-Йили 5-июл, германийә.
5-Июл вәқәсиниң 8 йиллиқи мунасивити билән өткүзүлгән намайиштин көрүнүш. 2017-Йили 5-июл, германийә.
RFA/Ekrem

Германийәниң мюнхен шәһиридики хитай консулханиси алдида 5-июл күни намайиш өткүзүлди.

Германийәниң мюнхен, франкфурт, карлисруһә, авгусбург қатарлиқ шәһәрлиридин келип җәм болған көп сандики уйғурлар вә бир қисим түркләр 5-июл күни хитайниң мюнхендики консулханиси алдида намайиш елип барди. Намайиш 5 -июл вәқәси тоғрисида сөзләнгән нутуқлар билән башланди.

Намайиш мәйданида зияритимизни қобул қилған д у қ муавин рәиси пәрһат муһәммиди әпәнди, 5-июл намайишини хатириләшни изчил давамлаштурушниң уйғурлар үчүн зөрүр бир мәҗбурийәт икәнликини тилға алди.

Д у қ баш катипи, вакаләтсиз милләтләр тәшкилатиниң муавин рәиси долқун әйса әпәндиму 5-июл үрүмчи вәқәсини хатириләп һәр йили намайиш өткүзүшниң муһим әһмийити һәққидә тохталди.

Бу қетимқи намайишқа алайитән германийәниң франкфурт шәһиридин келип қатнашқан «уйғуристан күлтүр мәркизи» ниң рәиси күрәш атахан әпәндиму бу һәқтә тохтилип, 5-июл қирғинчилиқини хатириләш арқилиқ дуня һәм уйғур миллитигә беридиған тәсирләр һәққидә қарашлирини баян қилип өтти.

5-Июлдики бу намайишқа илһам тохти гурупписиниң рәиси әнивәрҗан әпәндиму илһам тохтиға әркинлик тиләш мәзмун қилинған пилакат билән қатнашқан иди. У бу һәқтә зияритимиз қобул қилғанда, 5-июл вәқәсиниң уйғур миллий күрәш тарихидики дәвр бөлгүч бир вәқә болғанлиқини әскәртти.

Намайишқа әрләрдин башқа, йәнә көп санда балилар һәм аялларму қатнашқан иди. Хитай консулханисиниң алдини узунғичә шоар садалири бир алди. Җәвлан қилип турған қанчә онлиған ай юлтузлуқ көкбайрақ кишиләрниң диққитини тартти. яшлар йолдин өткән-кәчкән германларға 5-июл вәқәси тоғрисида һазирланған тәшвиқат варақчилирини тарқатти.

Пикирләр (0)
Share
Толуқ бәт