Gérmaniyede 5-iyul weqesining 8 yilliqi munasiwiti bilen namayish ötküzüldi

Ixtiyariy muxbirimiz ekrem
2017-07-06
Élxet
Pikir
Share
Print
5-Iyul weqesining 8 yilliqi munasiwiti bilen ötküzülgen namayishtin körünüsh. 2017-Yili 5-iyul, gérmaniye.
5-Iyul weqesining 8 yilliqi munasiwiti bilen ötküzülgen namayishtin körünüsh. 2017-Yili 5-iyul, gérmaniye.
RFA/Ekrem

Gérmaniyening myunxén shehiridiki xitay konsulxanisi aldida 5-iyul küni namayish ötküzüldi.

Gérmaniyening myunxén, frankfurt, karlisruhe, awgusburg qatarliq sheherliridin kélip jem bolghan köp sandiki Uyghurlar we bir qisim türkler 5-iyul küni xitayning myunxéndiki konsulxanisi aldida namayish élip bardi. Namayish 5 -iyul weqesi toghrisida sözlen'gen nutuqlar bilen bashlandi.

Namayish meydanida ziyaritimizni qobul qilghan d u q mu'awin re'isi perhat muhemmidi ependi, 5-iyul namayishini xatirileshni izchil dawamlashturushning Uyghurlar üchün zörür bir mejburiyet ikenlikini tilgha aldi.

D u q bash katipi, wakaletsiz milletler teshkilatining mu'awin re'isi dolqun eysa ependimu 5-iyul ürümchi weqesini xatirilep her yili namayish ötküzüshning muhim ehmiyiti heqqide toxtaldi.

Bu qétimqi namayishqa alayiten gérmaniyening frankfurt shehiridin kélip qatnashqan "Uyghuristan kültür merkizi" ning re'isi küresh ataxan ependimu bu heqte toxtilip, 5-iyul qirghinchiliqini xatirilesh arqiliq dunya hem Uyghur millitige béridighan tesirler heqqide qarashlirini bayan qilip ötti.

5-Iyuldiki bu namayishqa ilham toxti guruppisining re'isi eniwerjan ependimu ilham toxtigha erkinlik tilesh mezmun qilin'ghan pilakat bilen qatnashqan idi. U bu heqte ziyaritimiz qobul qilghanda, 5-iyul weqesining Uyghur milliy küresh tarixidiki dewr bölgüch bir weqe bolghanliqini eskertti.

Namayishqa erlerdin bashqa, yene köp sanda balilar hem ayallarmu qatnashqan idi. Xitay konsulxanisining aldini uzun'ghiche sho'ar sadaliri bir aldi. Jewlan qilip turghan qanche onlighan ay yultuzluq kökbayraq kishilerning diqqitini tartti. Yashlar yoldin ötken-kechken gérmanlargha 5-iyul weqesi toghrisida hazirlan'ghan teshwiqat waraqchilirini tarqatti.

Toluq bet