Parizhda 5-iyul ürümchi weqesi munasiwiti bilen qur'an tilawiti pa'aliyiti élip bérildi

Ixtiyariy muxbirimiz haji qutluq qadiri
2017-07-05
Share
parizh-5-iyul-xatire.jpg 5-Iyul ürümchi weqesini xatirilesh yüzisidin qur'an tilawet qilish pa'aliyiti élip barghan parizh etrapidiki Uyghurlar. 2017-Yili 5-iyul.
RFA/Qutluq

Firansiyediki Uyghur jama'itidin igilishimizche, parizh etrapidiki sheherlerdiki bir qisim Uyghurlar parizhdiki galéni baghchisigha jem bolup, 5-iyul ürümchi weqesini xatirilesh yüzisidin qur'an tilawet qilish pa'aliyiti élip barghan.

2009-Yilidiki 5-iyul ürümchi weqesi munasiwiti bilen dunya Uyghur qurultiyi 6-ayning 21-küni chaqiriq élan qilip, pütün dunyadiki Uyghur jama'itining xitaygha qarshi namayish qilish, xatirilesh murasimi ötküzüshini telep qilghan idi.

Bügün shu munasiwet bilen, firansiyediki Uyghur jama'iti parizhdiki galéni baghchisigha jem bolup, 5-iyul ürümchi weqesining 8 yilliqini xatirilesh meqsitide qur'an tilawet qilish pa'aliyiti élip barghan.

Pa'aliyettin kéyin mezkur pa'aliyetni teshkilligüchilerdin tursunjan téléfon ziyaritimizni qobul qilip bügünki pa'aliyet heqqide toxtaldi.

Pa'aliyetke ishtirak qilghan, parizh etrapidiki melum bir sheherde yashawatqan, qazaqistandin firansiyege kélip yerleshken Uyghurlardin rizwan'gül xanim bügünki pa'aliyet heqqide we özining firansiye Uyghur jama'itidin kütidighan ümidliri toghrisida toxtaldi.

Parizhda élip bérilghan 5-iyul ürümchi weqesini xatirilesh pa'aliyitige norwégiyedin kélip qatnashqan, norwégiye Uyghur komitétining sabiq re'isi nighmet tursun hajim pa'aliyet heqqide öz tesiratini bayan qildi.

Axirida, bügünki pa'aliyetke ishtirak qilghan firansiyediki Uyghur siyasiy aktipliridin aybüwi erkin xanim pa'aliyet heqqide toxtaldi.

Igilishimizche, parizhda ötküzülgen 5-iyul ürümchi weqesini xatirilesh qur'an tilawet qilish pa'aliyiti etigen sa'et on bir yérimdin chüshtin kéyin sa'et ikkige qeder dawam qilghan bolup, pa'aliyetke parizh etrapidiki Uyghur jama'itidin bir qisim Uyghurlar qatnashqan.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.