Sabiq saqchi, abduréshit seley hajining ölüm sewebliri heqqide perezlirini bayan qildi

Muxbirimiz shöhret hoshur
2018-06-08
Élxet
Pikir
Share
Print
Yighiwélish lagéridin a'ilisige yighiwélish lagéri qayturulghan abduréshit seley hajim.
Yighiwélish lagéridin a'ilisige yighiwélish lagéri qayturulghan abduréshit seley hajim.
Social Media

Ghuljidiki yighiwélish lagérida jan üzgen abduréshit seley hajining ölüm sewebi heqqide muxbirimiz bügünmu bir qatar éniqlash élip bardi. Ili oblastliq saqchi idarisining xadimliri mezkur weqe heqqide melumat bérelmeydighanliqini tekrarlidi. Nöwette shiwétsiyede yashawatqan, ilgiri ürümchide saqchiliq xizmiti ötigen yolwas ependi, abduréshit seley hajining qéyin-qistaqtin ölgenlik éhtimalining yuqiriliqini ilgiri sürdi.

Tünügünki, yeni 7-iyundiki éniqlashlirimiz dawamida ijtima'iy taratqularda tarqalghan nilqiliq abduréshit hajining yighiwélish lagérida ölgenliki xewirining toghriliqi aydinglashqan idi. Merhumning muhajirettiki qérindashliridin biri, uning jesitining béshi daka bilen téngilghan halette a'ilisige qayturulghanliqi we saqchilarning téngiqni échip körüshke ruxset qilmighanliqini bayan qilghan idi. Bügün merhumning béshidiki zeximining sewebini éniqlash üchün ghuljidiki saqchi organlirigha qaytidin téléfon qilduq. Saqchi xadimliri merhum ölüm sewebi heqqide jawab bérelmigenning üstige alaqidar xadimlarning téléfon uchurlirini bérishnimu ret qildi. 

Abduréshit seley hajining qérindishining bayan qilishiche, saqchilar, merhumning téngiqliq bash qismini körüshke ruxset qilmayla qalmastin, bu heqte izahatmu bermigen؛ nöwette merhumning uruq-tughqanliridin 40 nechche kishi lagérda bolghachqa, nöwette jeset tapshurulghan a'ilide, jesetning bash qismidiki zeximini sorighudek kishimu qalmighan. Biz yene bu heqte ghulja sheherlik saqchi idarisidinmu melumat soriduq. Xadim, bu heqtiki so'allirimizni ensizlik bilen ret qildi. 

Nöwette shiwétsiyede yashawatqan sabiq saqchi xadimi yolwas ependi, abduréshit seley hajining ölümide qiyin-qistaqtin bashqa seweb bolushining éhtimaldin yiraq ikenlikini bayan qildi. U yene eger abduréshit seley yash bir bala bolghan bolsa, uning lagérdin qéchish üchün özini zeximlendürgen dep perez qilishqa bolidighanliqini, emma 65 yashliq bir kishining bundaq bir tewekkülchilikni qilmaydighanliqini ilgiri sürdi. U yene nöwettiki lagérlarda weziyitide saqchilar bilen toqunushush imkanining mumkinsizlikini tilgha élish bilen birlikte, uning yérim palech halette ikenlikini körsitip, uning égiz bir jaydin yiqilish éhtimaliningmu yoqluqini, yiqilishtin bash yérilghandimu, ölümge seweb bolghudek bir zexme bolmaydighanliqini bayan qildi. U xulase süpitide merhumning diniy étiqadqa zit kélidighan bir telepke we zorlashqa duch kelgenliki we jehette boyun egmigenliki üchün saqchilar teripidin bash qismigha urulghan éhtimalliqini ilgiri sürdi.

Toluq bet