Xitay türmisidiki ablimit damollamning doxturxanida wapat bolghanliqi ashkarilandi

Ixtiyariy muxbirimiz qutluq
2017-06-16
Élxet
Pikir
Share
Print
Qeshqer shehridiki tutqun qilin'ghan diniy zat ablimit damollar hajim (waqti we orni éniq emes)
Qeshqer shehridiki tutqun qilin'ghan diniy zat ablimit damollar hajim (waqti we orni éniq emes)
RFA/Qutluq

Qedirlik radi'o anglighuchilar, qeshqerde 1990-yillarda "Til téxnikom mektipi" achqan ataqliq ölima ablimit damollamning yéqindin buyan qeshqer saqchi da'iriliri teripidin qolgha élin'ghanliqi we shundaqla uning, salametlikining nacharliqi sewebidin bir hepte ilgiri wapat bolghanliqi toghrisida ijtima'iy taralghularda oxshimighan uchurlar tarilishqa bashlidi.

Biz xitay türmisidiki ablimit damollamning wapati toghrisidiki uchurlarning toghra yaki xataliqi toghrisida yenimu ilgiriligen halda uchur igilesh üchün muhajirettiki Uyghurlar, qeshqerdiki bezi bir orunlar we béyjinggha téléfon qilip bu heqte uchur igiliduq.

Aldi bilen ziyaritimizni qobul qilghan ablimit damollamning qeshqerdiki yéqinliridin hazir türkiyede muhajirette yashawatqan hoshur seley ependi ablimit damollamning türmidiki salametlik ehwali toghrisida Uyghur élidin türkiyege sayahetke kelgen Uyghurlardin igiligen melumatlar heqqide toxtaldi.

Biz ablimit damollamning wapati toghrisidiki yuqiriqi uchurgha asasen qeshqer sheherlik saqchi idarisige téléfon qilghan bolsaqmu, biraq saqchi xanim bu heqtiki so'alimizgha "Bilmeymen" dep jawab berdi.

Qeshqer islam dini jem'iyitidiki nam‏-sheripini ashkarilashni xalimighan bir zat bu heqtiki so'alimizgha jawab berdi.

Biz ijtima'iy taratqulardiki: "Ablimit damollam doxturxanida wapat boptu" dégen bezibir xewerlerge asasen, bu heqte uchur igilesh üchün qeshqer xelq doxturxanisining dawalash bölümige téléfon qilip, bu heqte nöwetchi doxturdin ablimit damollamning wapati toghrisida so'al sorighinimizda, bu xanim bizning jiddiy qutquzush bölümige téléfon qilip bu heqte söhbetlishishimizni jékilidi.

Biz yuqiriqi uchurgha asasen, qeshqer xelq doxturxanisi jiddiy qutquzush bölümige téléfon qilip, nöwetchi doxtur bilen bu heqte söhbet élip barduq.Téléfonimizni qobul qilghan nöwetchi doxtur xanim bizning: "Bir hepte ilgiri saqchilar teripidin élip kélin'gen 80 yashlardiki ablimit damollam isimlik bir kishi mushu yerde wapat boldimu?" dégen so'alimizgha teslikte jawab bérip: "Men sizni bu heqte uchur bilen teminleshke amalsiz. Bu ish men nöwetchilik qiliwatqanda yüz bergen ish. Siz eng yaxshisi bu kishining kimlikini, dawalash nomurini we késel tarixi arxip nomurini élip doxturxanigha kelsingiz, andin bu heqte söhbetleshsek" dédi.

Biz qeshqer xelq doxturxanisi jiddiy qutquzush bölümining ablimit damollamning wapati heqqidiki uchurigha asasen "Qeshqer géziti" idarisi bash muherrir ishxanisigha téléfon qilip bu heqte söhbetleshtuq.

Biz ablimit damollamning wapati toghrisida téximu etrapliq melumat érishish üchün, béyjingdiki xitay islam jem'iyiti teripidin neshr qilinidighan "Xitay musulmanliri" zhurnili tehrir bölümige téléfon qilip bu heqte söhbet élip barduq.

Melum bolushiche, ablimit damollam Uyghur élida tonulghan meripetperwer diniy zatlardin biri bolup, u 1990-yilliri qeshqerde bir qisim tijaretchiler bilen birlikte tunji qétim xelq igilikidiki "Til téxnikom mektipi" ni qurghan we xelqning alqishigha érishken.

Yuqiriqi awaz ulinishidin tepsilatini anglang.

Toluq bet