Алматада уйғурлар 1-өктәбир матәм күнини хатирилиди

Ихтиярий мухбиримиз ойған
2013-10-01
Share
qehriman-ghojamberdi-yalghuz.JPG Тарихчи вә сиясәтшунас қәһриман ғоҗамбәрди.
RFA/Qutlan

Дуня уйғур қурултийи 1-өктәбирни уйғурларниң матәм күни дәп рәсмий елан қилғандин буян, башқа мәмликәтләр қатарида қазақистандики уйғурларму бу күни бир йәргә җәм болуп, әркинлик, инсаний һоқуқлири үчүн қурбан болғанларни хатириләшни әнәнигә айландурди.

Шу мунасивәт билән 30-сентәбирдә алмата шәһириниң султанқорған мәһәллиси кафиханилириниң биридә хатириләш мурасими өтти. Униңда қурбан болғанларға атап қуран оқулғандин кейин, сиясәтшунас қәһриман ғоҗамбәрди алди билән қазақистанда кейинки вақитларда йүз бәргән бир қатар вәқәләр һәққидә қисқичә мәлумат берип, андин 1949-йили уйғур диярида хитай коммунистик түзүми мәҗбурий орнитилғандин буян у йәрдә йүз бәргән иҗтимаий, сиясий вә иқтисадий өзгиришләрниң ақивәтлири һәққидә әтраплиқ вә тәпсилий тохталди. У хитай сияситиниң уйғурларға вә башқа милләтләргә елип кәлгән азаб-оқубәтлирини уйғурларниң һечқачан унтумайдиғанлиқини тәкитлиди шундақла дуня уйғур қурултийи вә униң рәһбири рабийә қадирниң кейинки вақитлардики паалийәтлири тоғрисида тохталди.

Мурасимда сөзгә чиққан мәшһур қазақ зиялийси, иқтисад пәнлири доктори, профессор әбен нурманоф, шаирлардин савут искәндәроф вә әкрәм садироф, дуня уйғур аяллар бирлики вәкиллири нурбанум мәшрәпова, асийәм турдийева вә башқилар уйғур миллий һәрикити вә уйғурларниң лидери рабийә қадирниң паалийәтлири, уйғур елидики вәзийәт һәм миллий мәдәнийәтни, маарипни, сәнәтни раваҗландуруш қатарлиқ мәсилиләр һәққидә өз пикирлирини оттуриға қойди.
Зияритимизни қобул қилған мәһәммәт һаҗим мәзкур мурасимдин алған тәсиратини баян қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт