Almatada Uyghurlar 1-öktebir matem künini xatirilidi

Ixtiyariy muxbirimiz oyghan
2013-10-01
Share
qehriman-ghojamberdi-yalghuz.JPG Tarixchi we siyasetshunas qehriman ghojamberdi.
RFA/Qutlan

Dunya Uyghur qurultiyi 1-öktebirni Uyghurlarning matem küni dep resmiy élan qilghandin buyan, bashqa memliketler qatarida qazaqistandiki Uyghurlarmu bu küni bir yerge jem bolup, erkinlik, insaniy hoquqliri üchün qurban bolghanlarni xatirileshni en'enige aylandurdi.

Shu munasiwet bilen 30-séntebirde almata shehirining sultanqorghan mehellisi kafixanilirining biride xatirilesh murasimi ötti. Uningda qurban bolghanlargha atap qur'an oqulghandin kéyin, siyasetshunas qehriman ghojamberdi aldi bilen qazaqistanda kéyinki waqitlarda yüz bergen bir qatar weqeler heqqide qisqiche melumat bérip, andin 1949-yili Uyghur diyarida xitay kommunistik tüzümi mejburiy ornitilghandin buyan u yerde yüz bergen ijtima'iy, siyasiy we iqtisadiy özgirishlerning aqiwetliri heqqide etrapliq we tepsiliy toxtaldi. U xitay siyasitining Uyghurlargha we bashqa milletlerge élip kelgen azab-oqubetlirini Uyghurlarning héchqachan untumaydighanliqini tekitlidi shundaqla dunya Uyghur qurultiyi we uning rehbiri rabiye qadirning kéyinki waqitlardiki pa'aliyetliri toghrisida toxtaldi.

Murasimda sözge chiqqan meshhur qazaq ziyaliysi, iqtisad penliri doktori, proféssor ebén nurmanof, sha'irlardin sawut iskenderof we ekrem sadirof, dunya Uyghur ayallar birliki wekilliri nurbanum meshrepowa, asiyem turdiyéwa we bashqilar Uyghur milliy herikiti we Uyghurlarning lidéri rabiye qadirning pa'aliyetliri, Uyghur élidiki weziyet hem milliy medeniyetni, ma'aripni, sen'etni rawajlandurush qatarliq mesililer heqqide öz pikirlirini otturigha qoydi.
Ziyaritimizni qobul qilghan mehemmet hajim mezkur murasimdin alghan tesiratini bayan qildi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet