Uyghur ziyaliylirining awstraliyediki pa'aliyetliri netijilik axirlashqan

Doktor erkin sidiq we memet toxti ependilerning awstraliye ziyaritidin xatiriler. 2019-Yili, 17-21 féwral. Awstraliye.

Doktor erkin sidiq we memet toxti ependilerning awstraliye ziyaritidin xatiriler. 2019-Yili, 17-21 féwral. Awstraliye.

Doktor erkin sidiq we memet toxti ependilerning awstraliye ziyaritidin xatiriler. 2019-Yili, 17-21 féwral. Awstraliye.

Doktor erkin sidiq we memet toxti ependiler 17-féwraldin étibaren merkizi sidnéyda bolghan “Turan insha'at shirkiti” we “Turan baghlinish shirkiti” ning mes'uli bextiyar böre ependining teklipi bilen awstraliyediki pa'aliyetlirini bashlighan idi. Ularning awstraliyening sidnéy, mélborin, adilayd sheherliride élip barghan bir heptilik pa'aliyetliri 21-féwral küni netijilik axirlashqan.

Uyghur ziyaliysi bextiyar böre ependi bu munasiwet bilen ziyaritimizni qobul qilghanda aldi bilen doktor erkin sidiq we memet toxti ependilerni alahide awstraliyege teklip qilishtiki meqsitini qisqiche izahlap ötti.

Memet toxti ependi awstraliyediki bu bir heptilik pa'aliyiti toghrisida toxtalghanda 5 kün ichide 3 chong sheherde élip barghan türlük pa'aliyetlerning intayin netijilik, tesirlik bolghanliqini eskertti. U sözide yene awstraliyediki Uyghur jama'itini we yerlik xelqni xitay tehditidin agahlandurghanliqini tekitlidi.

Doktor erkin sidiq ependimu bu bir heptilik pa'aliyet jeryanida köp qétim léksiye sözligen bolup, u asasliqi jaza lagérlirining qurulushi, xitayning meqsiti, lagérlarning aqiwiti qatarliq mesililerde öz qarashlirini otturigha qoyup ötken. U sözide bu bir heptilik pa'aliyettin köp memnun bolghanliqini, awstraliye Uyghurlirining qérindashliq méhridin tesirlen'genlikini bayan qildi.

Bu qétimqi pa'aliyetni teshkilligen bextiyar böre ependi bu 5 künlük pa'aliyetning awstraliyediki Uyghurlar we léksiyelerge daxil bolghan yerlik xelqte uniwérsitét oqughuchilirida chongqur tesir qaldurghanliqini qoshumche qildi.