Nazaret astida tijaret qiliwatqan baqqalning shikayiti: méning mehbustin perqim néme?

Ürümchide échiliwatqan ikki yighin mezgilide yene muqimliqqa tehdit dep qaralghan bir türküm Uyghurlar, bezliri öyide, beziliri ish yaki tijaret ornida nezerbend astigha élin'ghan. Baqqal hélaji ene shulardin biri.
Muxbirimiz shöhret hoshur
2013.01.31
helaji-baqqal-305.jpg 5-Iyul weqeside oghli(otturida) ghayib bolghan, saqchilarning nazariti astida tijaret qiliwatqan baqqal hélaji (soldin birinchisi). 2012-Yili, ürümchi.
RFA

Hélaji 5 kündin béri, döngköwrüktiki méwe-chéwe bazirida bir guruppa saqchining nazariti astida xéridar chaqirmaqta. Baqqalning xéridar chaqiriwatqandiki illiq chirayi bilen uning ikki biqinidiki saqchilarning sörün teleti ghelite bir menzire peyda qilip, yoldin ötken-kechkenlerning bezilirini ürkütse, bezilirini heyran qaldurmaqta. Netijide baqqalning sodisi herküni az dégende 500 yüen kémeymekte. Yene bir tereptin baqqal öz-özige “Men jaza lagiridiki bir mehbusmu yaki erkin bazardiki bir tijaretchimu?” dégen so'alni qoyup, bu so'algha jawab izdimekte.

Hélaji eslide qeshqer toqquzaqtin bolup, 10 yildin béri ürümchide tijaret qilmaqta. 2009-Yildiki 5-iyul weqesidin kéyin, uning 19 yashliq oghli alimjan, xitay saqchiliri teripidin tutup kétilip iz-déreksiz ghayib bolghan. Hélaji shuningdin buyan oghlining iz-dérikini élish üchün qolidin kélishiche heriket qilmaqta؛ u bu herikiti seweblik xitay saqchiliri teripidin ürümchidiki muqimliqqa tehdit kishiler tizimlikige élinip her qétimliq yermenke we yighin mezgilide, shundaqla chet'el dölet rehberlirining ziyaretliri mezgilide nezerbend qilinmaqta.

Awaz ulinishidin, baqqal hélajining bu heqtiki tesiratlirini öz éghizidin anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.