Йеңишәһәрдә йүз бәргән 12 - январ белиқкөл вәқәсиниң тәпсилати ашкариланди (2)

Мухбиримиз шөһрәт һошур
2015-07-03
Елхәт
Пикир
Share
Принт
Хитай қораллиқ күчлириниң коча чарлап йүргән көрүнүши. 2014-Йили 23-июл, қәшқәр.
Хитай қораллиқ күчлириниң коча чарлап йүргән көрүнүши. 2014-Йили 23-июл, қәшқәр.
ImagineChina


Бу йил 1 - айниң 12 - күни чүштин кейин, үстигә сақчи формиси кийгән икки аял, үч әр пидаий бир аптомобил билән йеңишәһәр тазғундин йеңишәһәр базириға қарап йолға чиқиду, форма кейим уларниң йол доқмушлиридики сақчиларниң диққәт - нәзиридин хали һалда шәһәр мәркизигә илгириләп кирәлишигә вастә болиду. Формилиқ икки аял пидаий белиқкөл тәвәликидә аптомобилдин чүшиду, 3 әр пидаий базар мәркизидики көктат базириға қарап йолини давам қилиду. Белиқкөл, йеңишәһәр базар ичидики хитай чарлаш сақчилириниң мәркизи нуқтиси болуп, мана бу нуқтиға кәлгән икки аял пидаий бирдин икки нәпәр сақчиниң беликигә есилип белидики бомбиниң пиликини тартиду, әмма йәрлик усулда ясалған, техи синап беқилмиған бу бомбилар партлимайду, пидаийларниң пәйлидин чүчигән хитай сақчилири қачиду, икки аял пидаий таки етиветилгәнгә қәдәр хитай сақчилириниң арқисидин қоғлайду, төвәндә бу вәқәни әнә шу вәқәдә вәзипә өтигән бир алаһидә сақчиниң өз еғизидин аңлайсиләр.

Хитай қораллиқ күчлири билән уйғур пидаийлири арисидики селиштурғусиз дәриҗидики қорал күчи пәрқи уйғур пидаийларниң қаршлиқ һәрикәтлиридә түрлүк усул - тәдбирләрни синап беқишиға түрткә болмақта. Қоллиниливатқан тәдбирләрдин бири сүний мәйдан, сүний көрүнүш пәйда қилиш. Алдинқи йили қағилиқта йүз бәргән бир вәқәдә пидаийлар мотосиклитлирини бир - биригә уруп ялған қатнаш вәқәси пәйда қилған, сақчи машинисидин чүшүп вәқәни сориғини кәлгәндә һуҗум пиланини әмәлгә ашурған; йәнә мәлум болушичә, 2008 - йили олимпик мәзгилдә хитай әскәрлиригә аптомобиллиқ һуҗум қилған абдурахман азад вә қурбанҗан һемитму шу күни һәрбий кийим кийип, һәрбий мәшқ қиливатқан әскәрләргә йеқинлашқан. Бу қетим 12 - январ белиқ көл вәқәсидә бәш нәпәр пидаий сақчи форма кийип бихәтәрлик тосақлирини бөсүп өтәлигән вә һәрбий газармиға қәдәр йеқинлишалиған. Гәрчә улар рәқиплиригә җисманий зәрбә бериш җәһәттә күткән мәқситигә йетәлмигән болсиму, роһий зәрбә бериштә, йәни хитай сақчилириға вәһимә селишта мәқситигә толуқ йәткән. Дәл шуниң үчүн 12 - янивар вәқәсини хәвәр қилған хитай мәтбуатлири пидаийларниң етиветилгәнликини хәвәр қилған болсиму, уларниң һуҗум җәрянидики тәдбир вә җасарити һәққидә мәлумат бәрмигән.

,

Пикирләр (0)
Share
Толуқ бәт