Yéngisheherde yüz bergen 12 - yanwar béliqköl weqesining tepsilati ashkarilandi (2)

Muxbirimiz shöhret hoshur
2015-07-03
Élxet
Pikir
Share
Print
Xitay qoralliq küchlirining kocha charlap yürgen körünüshi. 2014-Yili 23-iyul, qeshqer.
Xitay qoralliq küchlirining kocha charlap yürgen körünüshi. 2014-Yili 23-iyul, qeshqer.
ImagineChina


Bu yil 1 - ayning 12 - küni chüshtin kéyin, üstige saqchi formisi kiygen ikki ayal, üch er pida'iy bir aptomobil bilen yéngisheher tazghundin yéngisheher bazirigha qarap yolgha chiqidu, forma kéyim ularning yol doqmushliridiki saqchilarning diqqet - neziridin xali halda sheher merkizige ilgirilep kirelishige waste bolidu. Formiliq ikki ayal pida'iy béliqköl tewelikide aptomobildin chüshidu, 3 er pida'iy bazar merkizidiki köktat bazirigha qarap yolini dawam qilidu. Béliqköl, yéngisheher bazar ichidiki xitay charlash saqchilirining merkizi nuqtisi bolup, mana bu nuqtigha kelgen ikki ayal pida'iy birdin ikki neper saqchining bélikige ésilip bélidiki bombining pilikini tartidu, emma yerlik usulda yasalghan, téxi sinap béqilmighan bu bombilar partlimaydu, pida'iylarning peylidin chüchigen xitay saqchiliri qachidu, ikki ayal pida'iy taki étiwétilgen'ge qeder xitay saqchilirining arqisidin qoghlaydu, töwende bu weqeni ene shu weqede wezipe ötigen bir alahide saqchining öz éghizidin anglaysiler.

Xitay qoralliq küchliri bilen Uyghur pida'iyliri arisidiki sélishturghusiz derijidiki qoral küchi perqi Uyghur pida'iylarning qarshliq heriketliride türlük usul - tedbirlerni sinap béqishigha türtke bolmaqta. Qolliniliwatqan tedbirlerdin biri sün'iy meydan, sün'iy körünüsh peyda qilish. Aldinqi yili qaghiliqta yüz bergen bir weqede pida'iylar motosiklitlirini bir - birige urup yalghan qatnash weqesi peyda qilghan, saqchi mashinisidin chüshüp weqeni sorighini kelgende hujum pilanini emelge ashurghan؛ yene melum bolushiche, 2008 - yili olimpik mezgilde xitay eskerlirige aptomobilliq hujum qilghan abduraxman azad we qurbanjan hémitmu shu küni herbiy kiyim kiyip, herbiy meshq qiliwatqan eskerlerge yéqinlashqan. Bu qétim 12 - yanwar béliq köl weqeside besh neper pida'iy saqchi forma kiyip bixeterlik tosaqlirini bösüp öteligen we herbiy gazarmigha qeder yéqinlishalighan. Gerche ular reqiplirige jismaniy zerbe bérish jehette kütken meqsitige yételmigen bolsimu, rohiy zerbe bérishte, yeni xitay saqchilirigha wehime sélishta meqsitige toluq yetken. Del shuning üchün 12 - yaniwar weqesini xewer qilghan xitay metbu'atliri pida'iylarning étiwétilgenlikini xewer qilghan bolsimu, ularning hujum jeryanidiki tedbir we jasariti heqqide melumat bermigen.

,

Toluq bet