Rabiye qadir xanim bélgiyede chaqirilghan "Döletsiz milletler" yighinida nutuq sözlidi

Ixtiyariy muxbirimiz erkin tarim
2014-09-22
Share
rabiye-xanim-belgiye-yighin-dolqun-omer.JPG (Soldin onggha) d u q rehberliridin dolqun eysa ependi, rabiye qadir xanim we ömer qanat ependi bélgiyede. 2014-Yili 19-séntebir.
RFA/Erkin Tarim

Dunya Uyghur qurultiyi re'isi rabiye qadir xanim 9-ayning 19-küni bélgiyening bryusél shehiride ötküzülgen "Yéngi dunya aliy yighini" mawzuluq yighinda doklat bérip Uyghurlarning bügünki weziyiti we telepliri toghrisida melumat berdi.

Bu yighin döletsiz milletlerning aliy yighini bolup, mezkur yighin 19-chésladin 21-chéslaghiche ötküzülgen. 3 Kün dawamlashqan mezkur yighin bélgiye padishahliq tiyatir sariyida ötküzülgen.

19-Chésla, yeni jüme küni ötküzülgen échilish murasimidin kéyinla birinchi bolup dunya Uyghur qurultiyi re'isi rabiye qadir xanim nutuq sözlidi. Arqidin iranda turushluq ereblerning partiyesi bolghan ereb ittipaqi partiyesining re'isi söz qildi. Üchinchi bolup somalidiki oroma azadliq herikitining wekili nutuq sözlidi.

9-Ayning 20-künidiki yighinda bolsa filippin milliy herikitining wekilliri, pelestinning wekilliri nutuq sözlep öz teqdirini özi belgilesh kürishining jeryani we teleplirini otturigha qoydi.

D u q re'isi rabiye qadir xanim bergen melumatlargha asaslan'ghanda bu yighin'gha öz teqdirini özi belgilesh üchün küresh qiliwatqan milletlerning wekilliri qatnashqan bolup, Uyghur milliy herikitining rehbiri rabiye qadir xanim Uyghurlarning hazirqi weziyiti we élip bériwatqan küreshliri toghrisida melumat bergen. U, nutqida herqaysi döletlerni Uyghurlarning öz teqdirini özi belgilesh yolida élip bériwatqan heqliq kürishini qollap quwetleshke xitayning Uyghurlargha élip bériwatqan qirghinchiliq siyasitini toxtitishqa chaqirdi.

Yighin öz teqdirini özi belgilesh üchün küresh qiliwatqan milletler toghrisida chaqirilghan 4-nöwetlik yighin bolup, bu Uyghurlarning tunji qétim qatnishishi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet