Dolqun eysa bügün yawropa parlaméntida bir yürüsh pa'aliyetlerni élip bardi

Ixtiyariy muxbirimiz ekrem
2017-02-07
Élxet
Pikir
Share
Print
D u q bash katipi dolqun eysa ependi yawropa parlaméntining ezasi, lébiral démokratlar partiyisining mes'ulliridin tirémosa balchélis ependi bilen körüshti. 2017-Yili 7-féwral, bélgiye paytexti biryussél.
D u q bash katipi dolqun eysa ependi yawropa parlaméntining ezasi, lébiral démokratlar partiyisining mes'ulliridin tirémosa balchélis ependi bilen körüshti. 2017-Yili 7-féwral, bélgiye paytexti biryussél.
RFA/Ekrem

7-Féwral küni d u q bash katipi dolqun eysa ependi bélgiye paytexti biryusséldiki yawropa parlaméntida muhim uchrishishlar ötküzdi we ilmiy muhakime yighinigha qatnashti.

D u q bash katipi dolqun eysa ependining bélgiye paytexti biryusséldin bergen melumatigha asaslan'ghanda, u bügün yawropa parlaméntining bir qisim ezaliri bilen Uyghurlar mesilisi üstide mexsus söhbetler élip barghan hemde yawropa parlaméntidiki "Tibet dostluq guruppisi" qatarliq organlarning orunlashturushi bilen chaqirilghan "Dalay lama rohining qayta köchüshi: xitay hökümiti üchün némishqa bir mesile?" namliq ilmiy muhakime yighinigha qatnashqan.

Dolqun eysa ependining bildürüshiche, u bügün wakaletsiz milletler teshkilati xadimi, d u q ning programma yardemchisi lusiya xanim bilen birge yawropa parlaméntining ezasi, libéral démokratlar partiyisining mes'ulliridin tirémosa balchélis ependi hemde yawropa parlaménti kishilik hoquq komitétining mu'awin re'isi piréda ependining yardemchisi dalila xanim bilen ayrim- ayrim körüshken.

Bu qétimqi ziyaret asasiy meqsitining Uyghurlar mesilisini yawropa parlaméntida küntertipke kirgüzüsh yolida yene bir qétim tirishchanliq körsitishtin ibaret ikenlikini ilgiri sürgen dolqun eysa ependi, bu söhbetlerde Uyghur wetinide künséri nacharlishiwatqan weziyetni, Uyghurlarning étiqad, medeniyet we milliy kimlikige a'it sahelerde omumyüzlük basturush we cheklimilerge uchrawatqanliqini, xitayning Uyghurlargha qarita kishilik hoquq depsendichilikide ilgiriki yillargha sélishturghanda zor derijide éghirlashqanliqini misalliri bilen tepsiliy bayan qilip ötken hemde ilham toxti mesilisi, qosh tilliq ma'arip, diniy basturush we meschit chéqish, pasport yighiwélish, xitay-Uyghur mejburi tughqanchiliq siyasiti, üch xil küchler mesilisi we hemme yerde ewji alghan saqchi térrori qatarliqlar heqqide toxtalghan.

Melumki, 1-ayning 23-künidin 27-künigiche d u q rehberliri yawropa parlaméntida bir hepte ziyaret élip barghan bolup, bu bir hepte ichide 20 neper parlamént ezaliri bilen körüshüp Uyghur mesilisidin etrapliq melumatlar bergen idi.

Toluq bet