Uyghur wekiller yawropa parlaméntida yene pa'aliyet élip bardi

Ixtiyariy muxbirimiz ekrem
2017-02-08
Élxet
Pikir
Share
Print
D u q bash katipi dolqun eysa yawropa parlaméntining millet wekili, parlamént tashqi ishlar komitéti ezasi tunne kalem ependi bilen. 2017-Yili 8-féwral, bélgiye paytexti biryussél.
D u q bash katipi dolqun eysa yawropa parlaméntining millet wekili, parlamént tashqi ishlar komitéti ezasi tunne kalem ependi bilen. 2017-Yili 8-féwral, bélgiye paytexti biryussél.
RFA/Ekrem

D u q bash katipi dolqun eysa bashliq Uyghur wekiller 8-féwral küni yawropa parlaméntida yene bir ilmiy muhakime yighinigha qatnashti we parlamént ezaliri bilen söhbetler ötküzdi.

Bélgiye paytexti biryusséldiki Uyghurlardin igiligen melumatimizgha asaslan'ghanda, 7-féwraldin bashlap yawropa parlaméntidiki ziyaritini bashlighan d u q bash katipi dolqun eysa ependi bashchiliqidiki Uyghurlar bügün chüshtin burun parlamént binasida chaqirilghan "Xitayning térrorluqqa qarshi turush qanuni we buning tibet, Uyghurlargha bolghan tesiri" namliq ilmiy muhakime yighinigha qatnashqan hemde yawropa parlaméntining millet wekili, parlamént tashqi ishlar komitéti ezasi tunne kalem shundaqla parlamént ezasi bilbaw xanim qatarliqlar bilen uchrishishlar ötküzgen.

"Xitayning térrorluqqa qarshi turush qanuni we buning tibet, Uyghurlargha bolghan tesiri" namliq ilmiy muhakime yighinigha en'gliyediki Uyghur ziyaliysi enwer toxti ependimu qatniship doklat teqdim qilghan, yighinda dolqun eysa ependi nutuq sözlep, yighin ehlini Uyghur diyarida shéhit bolghan erkinlik jengchiliri, térror qurbanliri üchün bir minut sükütte turushqa dewet qilghan.

Chüshtin burun chaqirilghan "Xitayning térrorluqqa qarshi turush qanuni we buning tibet, Uyghurlargha bolghan tesiri" namliq ilmiy muhakime yighinidin kéyin, yawropa parlaméntining millet wekilliri bilen uchrishishlar ötküzgen dolqun eysa ependiler bu söhbetlerde Uyghurlar mesilisini etrapliq sherhlep, parlamént ezalirining Uyghur dewasigha bolghan hésdashliqini qolgha keltürüshke tirishqanliqini tilgha aldi.

Bügün yawropa parlaméntida élip bérilghan pa'aliyet heqqide toxtalghan en'gliyediki Uyghur ziyaliysi enwer toxti ependi, bu pa'aliyetlerning Uyghur milliy menpe'eti üchün körsitilgen tirishchanliqlarning bir parchisi ikenlikini tekitlidi.

Yawropa parlaméntidiki bu pa'aliyetlerge bügün ilham toxti guruppisining re'isi enwerjan ependi hemde bu guruppining aktip qollighuchisi mari holizman xanimmu qatnashqan bolup, enwerjan ependimu bu heqte öz qarashlirini bayan qilip ötti.

Toluq bet