Gérmaniyede xitayning dölet bayrimi küni namayish élip bérildi

Ixtiyariy muxbirimiz ekrem
2018.10.01
germaniye-2018-xitay-bayrimi-namayish.jpg

D u q ning teshebbusi, yawropa sherqiy türkistan birliki teshkilatining orunlashturushi bilen xitayning myunxén shehiridiki yéngi konsulxanisi aldida ötküzülgen namayishtin körünüsh. 2018-Yili 1-öktebir, gérmaniye. RFA/Ekrem

germaniye-2018-xitay-bayrimi-namayish-1.jpg

D u q ning teshebbusi, yawropa sherqiy türkistan birliki teshkilatining orunlashturushi bilen xitayning myunxén shehiridiki yéngi konsulxanisi aldida ötküzülgen namayishtin körünüsh. 2018-Yili 1-öktebir, gérmaniye. RFA/Ekrem

germaniye-2018-xitay-bayrimi-namayish-2.jpg

D u q ning teshebbusi, yawropa sherqiy türkistan birliki teshkilatining orunlashturushi bilen xitayning myunxén shehiridiki yéngi konsulxanisi aldida ötküzülgen namayishtin körünüsh. 2018-Yili 1-öktebir, gérmaniye. RFA/Ekrem

germaniye-2018-xitay-bayrimi-namayish-3.jpg

D u q ning teshebbusi, yawropa sherqiy türkistan birliki teshkilatining orunlashturushi bilen xitayning myunxén shehiridiki yéngi konsulxanisi aldida ötküzülgen namayishtin körünüsh. 2018-Yili 1-öktebir, gérmaniye. RFA/Ekrem

germaniye-2018-xitay-bayrimi-namayish-4.jpg

D u q ning teshebbusi, yawropa sherqiy türkistan birliki teshkilatining orunlashturushi bilen xitayning myunxén shehiridiki yéngi konsulxanisi aldida ötküzülgen namayishtin körünüsh. 2018-Yili 1-öktebir, gérmaniye. RFA/Ekrem

Bügün gérmaniyening myunxén shehiridiki Uyghurlar d u q ning teshebbusi, yawropa sherqiy türkistan birliki teshkilatining orunlashturushi bilen xitayning myunxén shehiridiki yéngi konsulxanisi aldida namayish élip bérip, “Jaza lagérliri” gha we “ Asaretke qarshi” iradilirini bildürdi.

D u q ilgiri 1949-yili xitay xelq jumhuriyiti qurulghan, Uyghur éli istila qilin'ghan 10-ayning 1-künini Uyghurlar üchün “Matem küni” dep élan qilghan bolup, dunyaning her yerliridiki Uyghurlar her yili bu küni xitaygha qarshi namayish we bashqa naraziliq pa'aliyetlirini ötküzüp kelmekte idi. Bügün myunxén shehiride ötküzülgen bu namayishqa bir qisim d u q rehberliri we Uyghur jama'iti qatnashti.

23-Séntebir bashlan'ghan bir heptilik norwégiye ziyaritini netijilik axirlashturup 30-séntebir myunxén'gha qaytip kelgen d u q re'isi dolqun eysa ependi bu namayish meydanida Uyghur jama'itige nutuq sözlep, xitayning basturush siyasetlirige qarshi küreshni barghanséri keskinleshtürüshni, “Asaretke qarshi ipade bildürüsh kürishini qanat yaydurush”ni teshebbus qildi. U sözide yene, 11-ayning 6-küni jenwede élip bérilidighan keng kölemlik namayishqa Uyghur jama'itini seperwer qildi.

Merkizi myunxén shehiridiki yawropa sherqiy türkistan birliki teshkilatining re'isi turghunjan alawudun ependi neq meydanda ziyaritimizni qobul qilghanda, Uyghur diyarida basturush élip bériwatqan xitay hakimiyitige qarshi küreshni izchil dawamlashturushning zörürlükini tilgha aldi. Mezkur teshkilatning mu'awin re'isi esqerjan ependi gérman jama'itige nutuq sözlep, Uyghur diyarining xitay hakimiyiti teripidin bésiwélin'ghan mustemlike bir zémin bolghanliqini anglatti.

Namayishta ay-yultuzluq kökbayraqlarni, xitay türmilirige bend qilin'ghan Uyghurlarning resimliri bésilghan taxtaylarni, her türlük sho'arlar yézilghan lozunkilarni kötürüshken Uyghurlar jarangliq sho'ar sadalirini bilen özlirining xitay hakimiyitige bolghan ghezep-nepretlirini ipade qilishti.

Bu qétimqi namayishqa qatnashqan abdujélil emet ependimu öz tesiratlirini bayan qilip “Bu, xitayning jaza lagérlirigha qarshi herbir Uyghurning otturigha chiqip küresh qilidighan dewri” dédi. Bir yérim sa'et dawam qilghan bu namayish sa'et 17:30 axirlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.