Gérmaniyening stuttgart shehiride xitaygha qarshi naraziliq namayishi ötküzüldi

Ixtiyariy muxbirimiz erkin tarim
2013-12-24
Élxet
Pikir
Share
Print
Gérmaniyening stuttgart shehiride xitaygha qarshi ötküzülgen naraziliq namayishtin körünüsh. 2013-Yili dékabir.
Gérmaniyening stuttgart shehiride xitaygha qarshi ötküzülgen naraziliq namayishtin körünüsh. 2013-Yili dékabir.
RFA/Erkin Tarim

2013-Yili Uyghurlar we türkiy milletler duchar bolghan zulum we bésimgha qarshi naraziliq bildürüsh üchün gérmaniyede namayish ötküzüldi. Bu namayishqa gérmaniyede pa'aliyet élip bériwatqan insan heqliri teshkilatliri mes'ulliri, her qaysi türk teshkilatlirining wekilliri we bezi metbu'at orunliridin bolup 200 din artuq kishi qatnashti. Namayishchilar qoshuni stuttgart poyiz istansisidin sheher merkizigiche yürüsh qildi, yürüsh jeryanida "Uyghurlargha musteqilliq", "Hemmimiz Uyghur!", "Bizge erkinlik!", "Bizge démokratiye!" dégendek sho'arlar towlandi. Namayishchilar sheher merkizidiki meydan'gha yighilghandin kéyin, namayishning teyyarliq komitéti namida sherqi türkistan kültür merkizi axbarat bayanatini oqudi.

Gérmaniyening stuttgart shehiride ötküzülgen bu namayish sa'et 15:30 de bashlinip 17:30 de axirlashqan bolup, bu namayishqa türk jem'iyetliri, iraq türkmen jem'iyetliri, ezerbeyjan jem'iyetliri we bashqa türkiy milletlerning wekilliridin bolup köp sanda kishi qatnashti. Biz bu namayish toghrisida téximu tepsiliy melumat igilesh üchün Uyghur kültür merkizi mes'uli küresh ataxan ependi bilen söhbet élip barduq.

Toluq bet