Ghayib nijat qurban heqqide ashkarilan'ghan, emma ispatlanmighan sirliq ölüm xewiri

5-Iyul weqesining 5 yilliq xatire küni yéqinlashmaqta؛ emma, xitay hökümiti 5-iyul ghayiblirining aqiwitini yenila sir tutmaqta. Muxbirimizning ghayiblar heqqidiki yéqinqi éniqlashliri dawamida, ghayib nijat qurbanning shisen türmiside öltürülgenlikige a'it tasadipiy ashkarilan'ghan, emma téxi ispatlanmighan ölüm xewiri otturigha chiqti. Shu yilning axirqi ayliri, shisen türmiside ishleydighan bir xadim, atush ishtachiliq 22 yashliq bir balining türmide heqsiz halda öltürülgenlikini bir yéqin dostigha hesretlen'gen halda bayan qilghan. Uning u yéqin dosti bu ehwalni ürümchide tonushlar ara bir sorunda éytip bergen. Bu sorunda del shu atush ishtachidin ghayib oghli nijatni izdep kelgen qurban'axun akimu bar bolup, u bu uchurni anglighandin kéyin, höngrep yighlighiniche ornidin qopup ketken we ürümchidin yénip kelgen. Shum xewerning zerbisidin shu küni néme qilarini bilelmigen qurban'axun aka, 5 kündin kéyin ürümchige qayta yolgha chiqqan, emma yuqiriqi shum xewerning rast-yalghanliqi heqqide ta hazirghiche da'irilerdin resmiy uchurgha érishelmigen.

Yuqiridiki awaz ulinishi arqiliq, bu ehwalni ghayib nijat qurbanning dadisining öz éghizidin anglaysiler.