Ғулҗа наһийә ойманбайтоқай кәнтидики колликтип тутқунда 41 киши қамаққа елинған

Мухбиримиз шөһрәт һошур
2016-03-21
Елхәт
Пикир
Share
Принт
Ғулҗадики уйғурларниң тинчлиқ намайишини бастуруш үчүн кәлгән хитай қораллиқ күчлири. 1997-Йили 5-феврал.
Ғулҗадики уйғурларниң тинчлиқ намайишини бастуруш үчүн кәлгән хитай қораллиқ күчлири. 1997-Йили 5-феврал.
Social Media

Йеқинда аңлиғучилиримиздин бири радийомизға учур йоллап ғулҗа наһийисиниң араөстәң йеза ойманбайтоқай кәнтидин 41 нәпәр яшниң уштумтут тутқун қилинғанлиқини йәткүзди; әмма учурда тутқунларниң тутулуш сәвәби һәққидә мәлумат берилмигән. Мухбиримиз бүгүн мәзкур тәвәликтики сақчи вә аһалиләргә телефон қилип вәқәниң тәпсилати һәққидә ениқлаш елип барди. Нәтиҗидә 2 ай илгири сақчиларниң ойманбайтоқайда колликип тутқун қилиш һәрикити елип барғанлиқи вә бу тутқунда 220 аилилик нопусқа игә болған ойманбайтоқай кәнтидин 41 кишиниң тутқун қилинғанлиқи дәлилләнди. Йәни нөвәттә ойманбайтоқайда һәр 5 аилидин бир кишиниң қамақта икәнлики айдиңлашти. Төвәндә мухбиримиз шөһрәт һошурниң бу һәқтә тәйярлиған программиси диққитиңларда болиду.

Һөрмәтлик радийо аңлиғучилар, ойманбайтоқай ғулҗа наһийисиниң араөстәң йезисиға тәвә бир кәнт. Ансиклопидик материялларда көрситилишичә, араөстәң йезиси мәмури җәһәттин 12 кәнттин түзүлгән; нопуси 2746 аилә, 14700 җандин тәшкилләнгән. Буниңдин қариғанда араөстәңдики һәр бир кәнткә 220 аилә, 1200 җандин нопус тоғра келиду. Демәк икки айниң алдида ойманбайтоқайда давам қилған колликтип тутқунда, һәр бәш аилидин бир киши қамаққа елинған.

Пикирләр (0)
Share
Толуқ бәт