Ghulja nahiye oymanbaytoqay kentidiki kolliktip tutqunda 41 kishi qamaqqa élin'ghan

Muxbirimiz shöhret hoshur
2016-03-21
Élxet
Pikir
Share
Print
Ghuljadiki Uyghurlarning tinchliq namayishini basturush üchün kelgen xitay qoralliq küchliri. 1997-Yili 5-féwral.
Ghuljadiki Uyghurlarning tinchliq namayishini basturush üchün kelgen xitay qoralliq küchliri. 1997-Yili 5-féwral.
Social Media

Yéqinda anglighuchilirimizdin biri radiyomizgha uchur yollap ghulja nahiyisining ara'östeng yéza oymanbaytoqay kentidin 41 neper yashning ushtumtut tutqun qilin'ghanliqini yetküzdi؛ emma uchurda tutqunlarning tutulush sewebi heqqide melumat bérilmigen. Muxbirimiz bügün mezkur teweliktiki saqchi we ahalilerge téléfon qilip weqening tepsilati heqqide éniqlash élip bardi. Netijide 2 ay ilgiri saqchilarning oymanbaytoqayda kollikip tutqun qilish herikiti élip barghanliqi we bu tutqunda 220 a'ililik nopusqa ige bolghan oymanbaytoqay kentidin 41 kishining tutqun qilin'ghanliqi delillendi. Yeni nöwette oymanbaytoqayda her 5 a'ilidin bir kishining qamaqta ikenliki aydinglashti. Töwende muxbirimiz shöhret hoshurning bu heqte teyyarlighan programmisi diqqitinglarda bolidu.

Hörmetlik radiyo anglighuchilar, oymanbaytoqay ghulja nahiyisining ara'östeng yézisigha tewe bir kent. Ansiklopidik matériyallarda körsitilishiche, ara'östeng yézisi memuri jehettin 12 kenttin tüzülgen؛ nopusi 2746 a'ile, 14700 jandin teshkillen'gen. Buningdin qarighanda ara'östengdiki her bir kentke 220 a'ile, 1200 jandin nopus toghra kélidu. Démek ikki ayning aldida oymanbaytoqayda dawam qilghan kolliktip tutqunda, her besh a'ilidin bir kishi qamaqqa élin'ghan.

Toluq bet