Myunxéndiki xitay konsulxanisi aldida namayish élip bérildi

Ixtiyariy muxbirimiz ekrem
2014-02-06
Élxet
Pikir
Share
Print

5-Féwral küni gérmaniyediki Uyghurlar myunxén shehiridiki xitay konsulxanisi aldigha toplinip, ghulja weqesining 17 yilliqini xatirilesh hemde ilham toxti we abduweli ayup qatarliq siyasiy tutqunlargha erkinlik telep qilish yüzisidin namayish élip bardi.

Namayishqa köp sanda Uyghur qatnashti. D u q ijra'iye komitéti re'isi dolqun eysa ependi ziyaritimizni qobul qilip, ghulja weqesining 17 yilliqini xatirilesh namayishining dunyaning her qaysi jayliridiki Uyghurlar topliship olturaqlashqan döletlerning hemmisidila élip bériliwatqanliqini eskertti.

Yawropa sherqiy türkistan birliki teshkilati re'isi enwerjan ependi bu qétimqi namayishta diqqetni tartqan bezi mesililerni tilgha élip, Uyghurlarning chet'ellerde élip bériwatqan siyasiy köreshliriningmu belgilik ünümler hasil qiliwatqanliqini tekitlidi.

5-Féwral küni chüshtin kéyin sa'et 13.30 Bashlan'ghan bu namayishqa qatnashqan Uyghurlar ghulja weqesige munasiwetlik herxil lozunka we sho'arlarni kötürüsh bilen birge, yéqinda qolgha élin'ghan abduweli ayup hem ilham toxtilarning süretliri chüshürülgen lozunkilarnimu kötürüshken idi. Sho'ar sadaliri konsulxana aldini lerzige salatti.

D u q medeniyet-ma'arip komitéti mes'uli ablimit tursun ependi bolsa, ghulja weqesi we mushuninggha oxshaydighan weqelerni xatirilesh pa'aliyetlirining sherqiy türkistan azad bolghan'gha qeder toxtimaydighanliqini tilgha aldi.

Toluq bet