Gollandiyediki Uyghurlar washin'gtondiki yashlar namayishigha awaz qoshup 8 künlük namayish bashlighan

Muxbirimiz shöhret hoshur
2018-06-22
Élxet
Pikir
Share
Print
Gollandiyediki Uyghurlar washin'gtondiki yashlar namayishigha awaz qoshup ötküzgen namayishtin bir körünüsh. 2018-Yili 22-iyun. Amistérdam, gollandiye.
Gollandiyediki Uyghurlar washin'gtondiki yashlar namayishigha awaz qoshup ötküzgen namayishtin bir körünüsh. 2018-Yili 22-iyun. Amistérdam, gollandiye.
Social Media

Washin'gtonda dawam qiliwatqan Uyghur yashlirining namayishi bügün 8‏-künige qedem qoydi. 8 Kündin béri etigen sa'et 8 din kech sa'et 5 ke qeder izchil dawam qilip kelgen bu namayishning amérika dölet mejlisidiki bir qisim ezalarning diqqitini tartqanliqi melum. Washin'gtonda uda dawamlishiwatqan bu namayish yene bashqa döletlerdiki Uyghur jama'itinimu heriketke keltürgen. Bügün gollandiyede yashawatqan Uyghurlar washin'gtondiki namayishni qollash yüzisidin amistérdamdiki amérika elchixanisi aldida 8 künlük namayish bashlighan.

Bügün gollandiyening wassinér shehiridiki amérika konsulxanisi aldida bashlan'ghan namayishta amérikining dunyada adalet we insan heqlirining bayraqdari ikenlikini eslitip, xitayning Uyghur diyarida élip bériwatqan "Yépiq terbiye lagérliri" ni derhal taqash üchün heriketke ötüshi telep qilin'ghan. Namayishchilar Uyghur diyarida bultur 3‏-aydin bashlap bir milyondin artuq kishining lagérda yétiwatqanliqi, ularning milliy we diniy kimlikini özgertish üchün lagérda ménge yuyush herikiti élip bériliwatqanliqi shundaqla tutqunlarning qéyin-qistaqqa duch kéliwatqanliqi, buning Uyghur jem'iyitining siyasiy, iqtisadiy we medeniy hayatigha jümlidin, milliy mewjutluqigha éghir xewp yetküzüwatqanliqini tilgha alghan. 
Gollandiyediki bu namayish washin'gtonda 15 kündin béri dawam qiliwatqan Uyghur yashlirining amérika hökümitidin Uyghur rayondiki lagérlarni taqash heqqide heriketke ötüshni telep qilip élip bériwatqan namayishining ilhami we uni qollash yüzisidin élip bérilghan iken. Bu namayishni gollandiyediki "Uyghur nidasi radiyosi", gollandiye sherqi türkistan Uyghur birliki, yawropa sherqi türkistan ma'arip jem'iyiti we yashlar jama'itining mes'ulliri bolup, gollandiyediki mewjut Uyghur teshkilat we guruppilirining hemmisi buninggha ishtirak qilghan. "Uyghur nidasi radiyosi" ning mes'uli abdusalam niyaz we gollandiyediki yashlarning yétekchiliridin biri bolghan ilshat islam bu namayish heqqide melumat berdi. 

Hörmetlik radi'o anglighuchilar, amérika dölet mejlisi aldidiki Uyghur yashliri ötküzüwatqan namayishqa bügünki künde paytext washin'gtondin bashqa yene kaliforniye we ohayyo shtatlirida yashawatqan Uyghurlarmu kélip qatnashqan. Bügünki bu namayishqa norwégiyediki Uyghur pa'aliyetchi zumret tursun xanimmu ishtirak qilghan.

Toluq bet