Edib haji mirzahid kérimi: "Saqchilar méning 'gumandar' ikenlikimni éytti"

Ixtiyariy muxbirimiz haji qutluq qadiri
2017-06-21
Share
haji-mirzahid-kerimi.jpg Uyghur élida tonulghan, hazir qeshqerde yashawatqan ataqliq sha'ir we yazghuchi haji mirzahid kérimi. (Orni we waqti éniq emes)
RFA/Qutluq

Aldinqi qétimliq téléfon söhbitimizde, öz öyining qeshqer sheherlik saqchi idarisi xadimliri teripidin axturulup, öz qelimi bilen yézilghan bir qisim romanlirining we qur'ani kerim qatarliq diniy kitablarning saqchilar teripidin élip kétilgenlikini bildürgen, qeshqerdiki 80 yashliq ataqliq sha'ir we yazghuchi haji mirzahid kérimi bügün söhbitimizde özini saqchilarning "Gumandar" dep éytqanliqini bayan qildi.

Biz sha'ir we yazghuchi haji mirzahid kérimining uchurigha asasen, qeshqer sheherlik saqchi idarisige téléfon qilghinimizda, özlirini j x idarisining xadimliri dep edib mirzahid kérimining öyini axturghan kishilerning emeliyette bolsa, qeshqer "Go baw" yeni dölet amanliqi idarisining xadimliri ikenliki ashkarilandi.

Téléfonimizni qobul qilghan nöwetchi xanim, qeshqer sheherlik j x idariside xizmet qilidighan ikki minggha yéqin kishining barliqini shundaqla ablimit qobulning j x idariside emes, belki go baw" yeni dölet amanliqi idarisining xadimi ikenlikini, shunga bizning mezkur idare bilen alaqiliship uning téléfon nomurini sorishimizni bildürdi.

Biz yuqiriqi qeshqer sheherlik j x idarisi teminligen téléfon nomurigha asasen, qeshqer dölet amanliqi idarisige téléfon qilip bu heqte toluq uchur igilimekchi bolghan bolsaqmu, biraq téléfonimiz jawabsiz qaldi.

Téléfon söhbitimiz jeryanida sha'ir we yazghuchi haji mirzahid kérimi özining medeniyet zor inqilabi dewridiki türme hayati toghrisidiki bizning sorighan so'allirimizgha jawab berdi.

Hazir kanadada yashawatqan muhajirettiki Uyghur sha'irliridin sha'ir tuyghun abduweli ziyaritimizni qobul qilip, xitayning Uyghur élida élip bériwatqan "Üch xil küch" lerge qarshi turush herikitide, aldi bilen diniy sahelerdiki Uyghur ölimalarni yoq qilghandin kéyin, ikkinchi qedemde bolsa tigh uchini Uyghur sha'ir we yazghuchilirigha qaritiwatqanliqini ilgiri sürdi.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet