Ilham toxti mesilisi b d t kishilik hoquq yighinida otturigha qoyuldi

Ixtiyariy muxbirimiz erkin tarim
2014-09-16
Share
dolqun-eysa-bdt-aldida.JPG D u q ijra'iye komitéti re'isi dolqun eysa ependi b d t ning aldida. 2014-Yili, awghust.
RFA/Erkin Tarim

B d t kishilik hoquq kéngishining 27-nöwetlik kishilik hoquq omumiy yighinida amérika, gérmaniye we en'gliye qatarliq döletler xitayning ilham toxtini naheq tutqun qilghanliqini, xitayning bu qilghanlirining insan hoquqigha xilap ikenlikini, uni derhal qoyuwétishni otturigha qoyghan.

Bu yighin'gha dunya Uyghur qurultiyi ijra'iye komitétining mudiri dolqun eysa qatnishiwatqan bolup, uning éytishiche, mezkur döletler xitayning hazir az sanliq milletlerge élip bériwatqan siyasitini tenqid qilghan. D u q ijra'iye komitéti re'isi dolqun eysa bilen pétér ependi yighinda söz qilip xitayning Uyghurlargha élip bériwatqan bésim siyasitini shundaqla qirghinchiliq qilmishini anglatqan.

Dolqun eysaning éytishiche bu qétimqi yighinda nuqtiliq halda sham iraq islam döliti térror teshkilati, süriye mesilisidin bashqa üchinchi bolup xitaydiki insan heqliri depsendichiliki otturigha qoyulghan. Dolqun eysa ependi ilham toxti ürümchide sotlinishtin bir kün burun birleshken döletlerde otturigha qoyulushi Uyghur mesilining xelq'aradiki ornining yuqiri kötürülüshi üchün intayin muhim ehmiyetke ige ikenliki we buning sot üchün ijabiy roli bolidighanliqini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet