Shiwétsiyediki Uyghur ziyaliylar ilham toxti mesiliside xitay hökümitini eyiblidi

Ixtiyariy muxbirimiz éhsan
2014-09-25
Share
ilham-toxti-sot-deplomat.jpg Ilham toxtining sotigha qatnishish üchün ürümchige kelgen chet'el diplomatliri sot meydanigha kirgüzülmigendin kéyin, xitay sot xadimi(otturida) bilen sözleshmekte. 2014-Yili 17-séntebir, ürümchi.
AFP

Xelq'aragha tonulghan Uyghur ziyaliysi ilham toxti ependi 23-séntebir küni xitay da'iriliri teripidin atalmish döletni parchilash"Jinayiti" bilen eyiblinip muddetsiz qamaq jazasigha höküm qilindi.

Bu xewer élan qilin'ghandin kéyin pütün dunya jama'etchiliki,xitay hökümitige qarita bayanat we inkaslarni qayturdi.

Shiwétsiyede yashawatqan Uyghurlarmu bu xewerni anglighandin kéyin qattiq ghezeplendi.

Shiwétsiyede pa'aliyet qiliwatqan siyasiy pa'aliyetchi abdulla ehet "Sherqiy türkistan teshwiqat merkizi"tor bétide élan qilghan bayanatida mundaq yazidu: pexirlik ustazimiz ilham toxti ependi Uyghur xelqining azadliqi, hörlüki üchün izden'gen we sherqi türkistandiki mesililerni xitayning asasiy qanunlirigha tayinip hel qilishni teshebbus qilghan munewwer ziyaliylirimizning biridur.

Xitay mustemlike küchliri, pexirlik Uyghur ziyaliysi ilham toxti ependini qanunsiz qolgha élip, muddetsiz qamaqqa höküm qilghanliqidin hemde xitay hökümitining özi tüzgen qanuniy belgilimilergimu emel qilmighan qanunsiz sot ikenlikidin qattiq ghezeplinidighanliqini bildürdi.

Axirida dunya xelqini xitay hökümitining bu qanunsiz qilmishigha qarita sükütte turuwalmasliqqa, özlirining insaniy exlaqi burchini ada qilip, xitay hökümitining rezil qilmishini qattiq eyiblep emeliy inkas qayturushqa chaqirdi.

Ziyaritimizni qobul qilghan abdul ehet xitay da'irilirining ilham toxtigha qollan'ghan jazasi ,xitay hökümiti démokratiyige qarap özgiridu dégen ziyaliylarni ümidsizlendüridu dédi.

Shiwétsiyede pa'aliyet qiliwatqan "Sherqiy türkistan teshwiqat merkizi" mes'uli turghun himit ziyaritimizni qobul köz qarishini bayan qildi. Ziyaliy muhemmet Uyghur, xitayning kommunistik tüzülmisi haman tarix sépidin qélip qalidighanliqini ipadilidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet