Eniwerjan: “Ilham toxtini gérmaniye dolqunliri radi'osining ‛erkin sözlesh‚ mukapatigha namzat körsettuq”
2016.10.31
Gérmaniyediki “Ilham toxti guruppisi” ning mes'uli eniwerjan ependining bildürüshiche, bu guruppa ötken hepte gérmaniye dolqunliri radiyosigha mexsus xet yézip, xitay hökümiti teripidin muddetsiz qamaq jazasigha höküm qilin'ghan Uyghur öktichi ziyaliysi ilham toxtini, mezkur radiyo teripidin tesis qilin'ghan kishilik hoquq pa'aliyetchiliri we zhurnalistlargha bérilidighan “Erkin sözlesh” mukapatining 2017-yilliq namzatliqigha tewisye qilghan.
“Erkin sözlesh” mukapati yawropada 30 nechche xil tilda anglitish béridighan gérmaniye dolqunliri radiyosi teripidin tesis qilin'ghan bolup, mexsus kishilik hoquq pa'aliyetchiliri we hökümetning siyasetliridiki kemchiliklerni pash qilghanliqi üchün ziyankeshlikke uchrighan muxbir zhurnalistlargha bérilidu.
Melum bolushiche, mezkur mukapat 2015-yili se'udi erebistanliq erkin tor yazar ra'if badawi ependige bérilgen bolsa, 2016-yili türkiye höriyet gézitining muxbiri sédat ergin'ge bérilgen.
Guruppa mes'uli eniwerjan ependining bildürüshiche, bu guruppa bu yil 4-ayning 27-küni gérmaniyede qurulghandin buyan öz pa'aliyetliride ilham toxti ependini xelq'araliq kishilik hoquq mukapatlirigha namzat qilip körsitish arqiliq, xitay hökümitining Uyghur siyasitini tenqidligenliki we Uyghurlarning qanuniy heqlirini telep qilghanliqi üchün muddetsiz qamaq jazasigha höküm qilin'ghan ilham toxtining naheq türmide yétiwatqanliqini dunyagha anglitish we uninggha erkinlik telep qilishni meqset qilghan.
Söhbetning tepsilatini yuqiriqi awaz ulinishidin anglaysiler.