Biryussélda xitaydiki kishilik hoquq mesililiri söhbet yighini ötküzüldi

Ixtiyariy muxbirimiz pida'iy
2016-10-27
Élxet
Pikir
Share
Print
Dunya Uyghur qurultiyining bash katipi dolqun eysa ependi ixtiyariy muxbirimiz pida'iyning ziyaritini qobul qilmaqta. 2016-Yili 26-öktebir.
Dunya Uyghur qurultiyining bash katipi dolqun eysa ependi ixtiyariy muxbirimiz pida'iyning ziyaritini qobul qilmaqta. 2016-Yili 26-öktebir.
RFA/Pida’iy

26-Öktebir bélgiyening biryussél shehirige jaylashqan yawropa parlaméntining tashqi ishlar bashqarmisida, yawropa uyushmisi bilen xitay kishilik hoquq mesililiri boyiche yawropada pa'aliyet élip bériwatqan xelq'araliq teshkilat wekilliri xitaydiki kishilik hoquq mesililiri söhbet yighini ötküzgen.

Pa'aliyetke yawropa ittipaqidiki xitay kishilik hoquq mesililirige alaqidar pa'aliyet qiliwatqan teshkilatlardin, xelq'ara kechürüm teshkilati, xitaydiki kishilik hoquqni közitish teshkilati, wakaletsiz milletler teshkilati, xelq'ara insan heqliri merkizi qatarida Uyghur, tibet we démokratik xitay teshkilatlirimu qatnashqan. Uyghurlar namida bu yighin'gha qatnashqan dunya Uyghur qurultiyidin dolqun eysa ependi, "Ilham toxtini qutquzush guruppisi" din eniwerjan ependiler bu munasiwet bilen ziyaritimizni qobul qilip, bu yighinda bolup ötülgen mezmunlar toghrisida melumat berdi.

Ependilerdin igilishimizche, yawropa uyushmisi bilen xitay arisida dawam qiliwatqan "Kishilik hoquq we döletni qanun bilen bashqurush di'alogi" yilda ikki qétim ötküzülidighan bolup, her qétimliq di'aloglar aldida, bu xil doklat yighinliri bolup turidiken. Bu qétimliq yighinda xelq'araliq teshkilatlarning wekilliri teyyarlighan xitaydiki kishilik hoquq we insan heqliri mesililirige alaqidar melumatlarni yawropa ittipaqi tashqi ishlar bashqarmisining alaqidar xadimlirigha yetküzgen. Buningda eniwerjan ependi ilham toxti mesilisini nuqtiliq otturigha qoyghan. Dolqun eysa ependimu Uyghurlar nöwette duch kéliwatqan milliy, diniy we insaniy heqliri paymal qiliniwatqan Uyghurlarning ehwalini, nuqtiliq zerbige uchrighanlarning matériyalliri bilen bille otturigha qoyghan.

Toluq bet