Uyghur wekilliri b d t ning "Kishilik hoquq, démokratiye, qanun bilen idare qilish munbiri" yighinida

Ixtiyariy muxbirimiz ekrem
2016-11-21
Share
dolqun-eysa-bdt-yighin.jpg D u q bash katipi dolqun eysa ependi b d t ning "Kishilik hoquq, démokratiye, qanun bilen idare qilish munbiri" yighinida. 2016-Yili 21-noyabir, jenwe.
RFA/Ekrem

21-Noyabir küni b d t ning jenwediki bash shtabida bashlan'ghan tunji nöwetlik "Kishilik hoquq, démokratiye, qanun bilen idare qilish munbiri" yighinigha Uyghur wekillirimu qatnashti.

"Kishilik hoquq, démokratiye, qanun bilen idare qilish munbiri" yighinining tunji nöwetliki 21-noyabir bashlan'ghan bolup, ikki kün dawam qilidighan bu yighin b d t kishilik hoquq kéngishi teripidin uyushturulghan. Bundaq bir munberni uyushturush qarari b d t kishilik hoquq kéngishi teripidin 2015-yili 3-ayda élin'ghan bolup, bir yildin artuq teyyarliq qilish arqiliq bügün alahide debdebe bilen bashlan'ghan bu yighin'gha Uyghurlargha wakaliten d u q rehberlirimu teklip qilin'ghan.

B d t ning 2814-nomurluq qararining rohigha bina'en bügün bashlan'ghan mezkur yighin'gha qatnishiwatqan d u q bash katipi dolqun eysa ependining bügün bu xususta b d t bash shtabidin bergen melumatlirigha asaslan'ghanda, yighin'gha b d t ning yuqiri derijilik emeldarliri, herqaysi döletlerning b d t da turushluq bash elchiliri, xelq'ara kishilik hoquq teshkilatlirining wekilliri, qanunshunaslar, mutexessisler bolup yüzlerche kishi qatnashqan.

Tunji nöwetlik "Kishilik hoquq, démokratiye, qanun bilen idare qilish munbiri" yighini toghrisida ziyaritimizni qobul qilghan dolqun eysa ependi bizge, aldi bilen b d t ning bu munberni qurushtiki asasiy meqsiti heqqide uchur bérip ötti.

Mezkur yighinning bügün chüshtin burunqi 1-basquchi yashlar mesilisige béghishlan'ghan. Dolqun eysa ependi 1-basquchluq yighin xatimiside yighin'gha riyasetchilik qilghan b d t bash elchisi ahmed alhendawi bilen uchriship, Uyghur weziyiti we Uyghur yashliri, xanim-qizlirining nöwettiki ehwalliri heqqide melumatlar bergen.

D u q wekilliri 22-noyabir künidiki yighinda söz qilish heqqige érishken bolup, dolqun eysa ependi bu munberde Uyghurlargha a'it otturigha qoyidighan mesililerning asasiy témisi toghrisida melumat bérip ötti.

D u q rehberlirining b d t da bir heptidin artuq dawamlishidighan pa'aliyetliri zich orunlashturulghan. Dolqun eysa ependi bu pa'aliyetler dawamida, köpligen döletlerning b d t da turushluq bash elchiliri bilen uchrishishqa kélishken hemde ulargha Uyghurlargha a'it köp tereplimilik doklatlar teqdim qilishqa hazirlan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet