Бай көмүркан һуҗумида муавин сақчихана башлиқи қурбанҗан өзини дәряға ташлап җенини қутқузған

Мухбиримиз шөһрәт һошур
2015.10.01
ikki-saqchi-matem.jpg Қәйсәр қурбан пичақ тиқип өлтүргән икки нәпәр сақчиниң матәм мурасими. 2014-Йили июн, мәкит.
Social Media

18-Сентәбир күни байда йүз бәргән көмүркан һаҗумида, терәк базарлиқ сақчиханиниң муавин башлиқи қурбанҗан өзини дәряға ташлаш арқилиқ җенини қутқузған.

Ашкарилинишичә вәқәдә еғир яриланған қурбанҗан шу күни, өзидин аввал бир гуруппа сақчини елип йолға чиққан сақчихана башлиқи ву феңға ярдәмлишиш үчүн бир ялланма сақчи билән бирликтә соған көмүркениға йетип барған; у вәқә мәйданидики өлүк вә яридарларни, болупму ву феңниң өлгәнликини көрүп һодуққан вә пидаийларниң һуҗумиға тақабил туралмиған. Нәтиҗидә у җенини қутқузуш үчүн нәқ мәйдандин қечип көмүрканниң йенидики қапсилаң дәрясиға өзини атқан.

Мәлум болушичә, қурбанҗан нөвәттә шу вәқәдә яриланған шерики вә хитай көчмәнлири билән бирликтә бай наһийилик дохтурханида даваланмақта вә әһвали хәтәрлик басқучта турмақта. Вәқәдин хәвәрдар нөвәтчи хадимларниң баян қилишичә шу күни һуҗумда патипарақ болған бир қисим хитай көчмәнлириму ятақ бинасидин өзини сиртқа вә дәряға етип җенини қутқузушқан. Төвәндә мухбиримиз шөһрәт һошурниң бу һәқтә тәйярлиған учурлири диққитиңларда болиду.

Вәқәдин хәвәрдар кишиләрниң баян қилишичә, вәқә йүз бәргән күни бай наһийилик хәлқ дохтурханиси шу вәқәдә яриланғанлардин башқа бимар қобул қилмиған; бу әһвал вә өткән күнләрдә мухбиримизниң телипонини қобул қилған дохтурхана хадимлириниң җиддий вә алақзадә позитсийиси вәқәдә аз дегәндә 50 киши өлгән вә йәнә 50-60 киши яриланғанлиқи һәққидики учурниң тоғрилиқини йәнә бир нуқтидин дәлиллимәктә.

Дәсләпки ениқлашлиримизда терәк базарлиқ башланғуч мәктәпниң вәқә қоманданлиқ штаби орнида қоллунуливаттқанлиқи вә мәктәп оқуғучилириниң дәм елишқа қоюп берилгәнлики ашкариланған иди, түнүгүнки ениқлишимизда мәзкур мәктәп оқуғучилириниң терәк базардидики бир балилар бағчисиға йөткәлгәнлики вә шу йәрдә оқутиливатқанлиқи вә шу йәрдики хитай оқуғучиларниң башқа орунға йөткәлгәнлики ашкариланди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.