Бай көмүркан һуҗумчи гумандарлиридин 3 нәпириниң кимликлири ениқланди

Мухбиримиз шөһрәт һошур
2015.10.13
xitay-saqchi-herbiy-kocha-charlash.jpg Коча чарлаватқан хитай қораллиқ күчлири уйғур аяллириға тикилмәктә. 2009-Йили 9-июл, үрүмчи.
AFP

Бай наһийисиниң канчи йезилиқ һөкүмитидә бүгүн әтигән ечилған муқимлиқ хизмити музакирә йиғинида 18-сентәбир соған көмүркан вәқәси һуҗумчи гумандарлиридин 3 нәпириниң исми тилға елинған.

Йиғинда турсун җүмә, муса тохтинияз вә мәмәт әйса қатарлиқлар тәвә болған 3 җәмәт кишиләрниң вәқә гумандарлири болуш сүпити билән канчи йезисиниң йүзини төккәнлики баян қилинған, әмма бу үч гумандарниң вәқәгә аилә әзалири йәни җәмәтлири бойичә қетилған яки өзлири ялғуз қетилғанлиқи һәққидә изаһат берилмигән. Мәзкур йиғинға қатнашқан бир кәнт секретариниң баян қилишичә, гумандар турсун җүмә 35-40 яш арисида, муса тохтинияз 45-50 яш арисида болуп, булар канчи йеза чарвичилиқ мәйданиниң чокитал мәһәллисидин; гумандар мәмәт әйса 60 яш әтрапида болуп, у мәзкур чарвичилиқ мәйданиниң юлғунлуқ мәһәллисидин.

Юқириқи учурлардин йәнә мәзкур 3 гумандарниң аилиси бойичә йоқ икәнлики йәни җәмәт бойичә ғайиб икәнлики вә издиливатқанлиқи, бир қисим уруқ-туғқанлириниң болса тутуп турулуватқанлиқи мәлум. Әмма даириләрниң юқириқи үч киши яки җәмәтни гумандар дәп бекитиштә, уларниң вәқәдә рол алғанлиқини испатлайдиған бәлгилик пакитларға таянғанлиқи вә яки уларниң аилә бойичә йоқ болуштәк ғайиплиқиға қарап бекиткәнлики ениқ әмәс.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.