Лагер сақчиси: «оқуғучилиримиз 15 билән 75 яш арисида; тамақни һалалму дәп сораш һәққи йоқ»

Мухбиримиз шөһрәт һошур
2018-10-09
Елхәт
Пикир
Share
Принт
«Тәрбийәләш лагери» дики «оқуғучилар» ятақниң ишикиниң төшүкидин қачисиға қоюп бәргән тамақни йемәктә. 2018-Йили өктәбир. (Орни ениқ әмәс)
«Тәрбийәләш лагери» дики «оқуғучилар» ятақниң ишикиниң төшүкидин қачисиға қоюп бәргән тамақни йемәктә. 2018-Йили өктәбир. (Орни ениқ әмәс)
Oqurmen Teminligen

Қәшқәрдики бир лагер сақчиси лагерниң өзи ишлигән қәвитидики 200 чә кишидин 10-20 синиң 70 яштин ашқан бовайлар, 5-10 нәпириниң болса 15-18 яш арисидики өсмүрләр икәнликини баян қилди. У йәнә лагердики тутқунларға күнигә 3 вақ, йерим қачидин тамақ берилидиғанлиқи, наштилиқиниң болса шифән икәнликини, тамақни һалалму яки һарамму дәп сорашқа болмайдиғанлиқини ашкарилиди. У йәнә тутқунларниң тамақ таллаш яки тамақтин шикайәт қилиш һәққи йоқлуқини тилға алди.

Соал: «тәрбийәләш» тикиләрниң яшта әң чоңи қанчә яш?
Җаваб: йәтмиш нәччә яшта бар.

Соал: яшта әң кичикичу?
Җаваб: он бәш яш. Оттура мәктәп оқуватқан, 9-синипта оқуватқан балилар

Соал: сиз ишлигән шу қәвәттә 15 яш билән 18 яшниң арисида қанчиси бар?
Җаваб: 10-20 си бар.

Соал: йәтмиштин ашқанлардинчу?
Җаваб: 5-10 ни бар.

Соал: аяллар қанчилик нисбәтни игиләйду?
Җаваб: мән ишләватқан чағдики икки бинадики 10 қәвәтниң икки қәвитидә аяллар бар иди.

Соал: демәк бәш қәвәтлик бинаниң биринчи қәвитидә кадирлар, иккинчи қәвитидә аялларму?
Җаваб: яқ, әң төпидики қәвәттә аяллар бар.

Соал: тамақ қанчә қетим берилиду, немиләр берилиду?
Җаваб: әтигәндә шифән билән нан яки мома, чүштә полу, кәчтә суюқаш.

Соал: миқдари қанчилик?
Җаваб: қачида берилиду, адәттә йерим берилиду, тамақ ешип қалса тарқитип берилиду.

Соал: тамақни қандақ йейиш һәққидә шәрт барму?
Җаваб: йоқ, шу тамиқини тизиға қоюп йейишиду.

Соал: қандақ қача ишлитиду?
Җаваб: бурун төмүр қача ишләткән, кейин суляв қачиға өзгәрттуқ.

Соал: немә үчүн?
Җаваб: тамақни йәп болғандин кейин қачини ююп бизгә тапшурғучә қача өзлириниң қолида туриду. Шу чағда душа қиливалидиған(өзини өлтүрүвалидиған) яки башқисини зәхимләндүридиған иш чиқмаслиқи үчүн.

Соал: буларниң өзлири йәватқан тамақни һалалму-һарамму, ичидә немә бар дәп сораш һәққи барму йоқ?
Җаваб: ундақ сорашқа рухсәт йоқ, биз немә бәрсәк шуни йейиши керәк, көнүши керәк. .

Соал: сиз ишләватқан җәрянда, һалал-һарамни айрип, ичидә чошқа гөши бар дәп гуман қилип, тамақ йейишни рәт қилидиған әһваллар болдиму?
Җаваб: бундақ әһваллар бурун болди. юқири орунларға мәлум қилдуқ.

Соал: қандақ хуласә чиқти, уларға бундақ демәсликиң керәкти дейилдиму? немә дейилди?
Җаваб: буни бираз муһим иш дәп қараймиз, униң нәтиҗисидин бизниң хәвиримиз болмиди, уларни гобавниң (дөләт аманлиқ сақчилири) бир тәрәп қилди.

Соал: силәрниң-кадирларниң тамиқи шу оқуғучилар билән биргиму-әмәсму?. . . Бармисиз телефонда?. . . . Сизниң билишиңизчә, шу тамақларда чошқа гөши бар йоқму?. . . . . Қени бармусиз?. . . .

Пикирләр (0)
Share
Толуқ бәт