Li kéchyangning ziyariti aldida gérmaniye tashqi ishlar ministirliqi rehberliri d u q hey'iti bilen uchrashti

Ixtiyariy muxbirimiz erkin tarim
2013.05.27
germaniye-tashqi-ishlar-ministir-aliy-rehberi-markus-lorning.jpg D u q ijra'iye hey'iti mudiri dolqun eysa we d u q ning mu'awin re'isi esqerjan gérmaniye tashqi ishlar ministirliqi insan heqliri komitéti mudiri markus lorning ependining ishxanisida. 2013-Yili may.
RFA/Erkin Tarim

Xitay bash ministiri li kéchyang gérmaniyege yétip kélish aldida gérmaniye tashqi ishlar ministirliqi insan heqliri komitéti mudiri markus lorning ependi bilen tashqi ishlar ministirliqi asiya ishliri bashqarmisi mudiri jan rudolpx ependi d u q ijra'iye hey'iti mudiri dolqun eysa we d u q ning mu'awin re'isi esqer janlar bilen ishxanisida uchrashti.

D u q rehberliri tashqi ishlar ministirliqi rehberlirige Uyghur diyarining hazirqi weziyiti heqqide melumat bergendin kéyin, bezi teleplirini otturigha qoydi we Uyghur diyaridiki insan heqliri depsendichilikliri heqqidiki doklatini berdi. Ular gérmaniye bash ministiri an'géla mérkél xanimning xitay bash ministiri li kéchyang bilen uchrashqanda Uyghur mesilisini otturigha qoyushini telep qilghan.

Biz bu uchrishish heqqide téximu tepsiliy melumat élish üchün d u q ijra'iye hey'iti mudiri dolqun eysa ependi bilen téléfon söhbiti élip barduq. U markuz lorning ependining özlirini qizghin kütüwalghanliqini, gérmaniye hökümitining xitaydiki insan heqliri depsendichilikige téximu köp köngül bölidighanliqini, bu yil ningshyada chaqirilghan 11-nöwetlik gérmaniye, xitay insan heqliri söhbet yighinining 12-nöwetlikining aldimizdiki yillarda qeshqerde échilidighanliqini dégenlikini bayan qildi.

Tepsilatini awaz ulinishidin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.