Uyghur pa'aliyetchiler: xitaylar üchün Uyghur kadir bilen Uyghur puqraning perqi yoq


2014-08-21
Share
dilshat-rishit-305.jpg Dunya Uyghur qurultiyining bayanatchisi dilshat rishit ependi. 2011-Yili 2-may. Washin'gton.
RFA

Hökümet da'iriliri qeshqer shehiride 18-chésla küni kadirlar yighini chaqirip 8 délodiki 15 neper Uyghur kadirni birterep qilish qararini uqturdi, buning ichidiki 5 neper Uyghur kadir yighinda özini tekshürdi.

Melum bolushiche, bu qétim qeshqerde memuriy chare körülgen bu 15 neper kadirgha “Siyasiy meydani éniq emes, döletning bir pütünlükige bolghan tonushi, milletler ittipaqliqini qoghdashtiki aktipchanliqi, muqimliqqa bolghan qarishi, pozitsiyisi, meydani éniq emes, dölet kadirlirining din'gha étiqad qilmasliq belgilimisige xilapliq qilip, ashkara halda diniy pa'aliyetler bilen shughullan'ghan, qattiq zerbe bérishke tégishlik mesililerde qattiq qolluq qilmighan” dégendek qalpaqlar kiydürülgen.

Biz bu toghrisida köz qarishini élish üchün shwétsiyede turushluq dunya Uyghur qurultiyining bayanatchisi dilshat rishitni ziyaret qilduq.

U xitay da'irilirining 15 neper Uyghur kadirni jazalishi, sherqiy türkistandiki pütün Uyghurlargha diniy étiqadtin chékinish heqqide qilghan agahlandurushidur dep körsetti.

Shwétsiyede pa'aliyet qiliwatqan siyasiy pa'aliyetchi abdulla ehet xitay da'irilirining 15 neper Uyghur kadirni jazalishi, xitayning pütün Uyghurlarni ortaq düshmen dep qaraydighan heqiqiy mahiyitini körsitip béridu, dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet