Ay-yultuzluq kök bayraq norwégiyediki xitay elchixanisi aldida yene lepildidi

Ixtiyariy muxbirimiz aygül yüsüp
2013-10-01
Share
xitay-bayrimi-norwegiye-namayishi.jpg Xitay dölet bayrimi küni, Uyghurlar xitay elchixanisining aldigha yighilip xitay hakimiyitige bolghan naraziliqini ipadilep namayish qildi. 2013-Yili 1-öktebir, norwégiye.
RFA/Aygul

Norwégiyening paytexti osloning sheher merkizige yiraq bolghan bydel westre akerdiki ahaliler rayonigha jaylashqan xitay elchixanisining aldida bügün sherqiy türkistanning ay-yultuzluq kök bayriqi yene lepildidi.

Norwégiye Uyghur komitéti teshkilligen bügünki namayishta Uyghurlar xitay elchixanisining aldigha yighilip xitaylar üchün dölet bayrimi, Uyghurlar üchün matem hésablinidighan bu künni, xitay hakimiyitige bolghan qarshiliq we naraziliqini ipade qilidighan türlük sho'arlarni towlash, nutuq sözlesh we teshwiqat wereqilirini tarqitish qatarliq pa'aliyetler bilen ötküzdi. Namayish bashlinishtin ilgiri sherqiy türkistan istiqlal marshi qoyuldi.

Bügünki namayishqa Uyghur islam merkizining imami turghunjan qarimmu qatnashqan bolup u teklip bilen nutuq sözlidi.

Namayish küntertipi boyiche teshkilat rehberliridin perhat yaqup ependi we jama'et wekilliridin ömerjan akimu nutuq sözlep, Uyghurlaning tarixta qurghan musteqil döletlirining kimlerning qoli bilen qandaq weyran qilin'ghanliqi we shundaqla weten ichidiki Uyghurlarning nöwettiki intayin éghir weziyiti heqqide tepsiliy melumat bérip ötti.

Namayishqa qatnashqan xanimlardin asiyem hajim bilen xelchem namayish tesiratlirini bayan qildi.

Bügünki namayishqa yene wén'giriyelik we türkiyelikler hem falunggungchi xitaylar wekilimu qatnashti. Ziyaritimizni qobul qilghan wén'giriyelik yigit gerche özi Uyghurlar ötküzgen bundaq bir namayishigha tunji qétim qatnashqan bolsimu, lékin Uyghurlarni xéli uzundin béri tonuydighanliqini, hun ewladi hésablinidighan wén'giriyeliklerning Uyghurlarni özige qérindash dep qaraydighanliqini shundaqla sherqiy türkistanning haman bir küni musteqil bolup xitay zulumidin qutulidighanliqini in'glizche we wén'giriye tilida hayajan bilen sözlep ötti.

Nijat ependi ziyaritimizni qobul qilip chet'ellik dostlarning namayishqa qatnishish sewebini chüshendürdi. Norwégiye Uyghur komitétining re'isi nighmet hajim ziyaritimizni qobul qildi.

Norwégiye waqti sa'et birde bashlan'ghan naraziliq namayishi yene ghezeplik towlan'ghan sho'arlar bilen axirlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet