Uyghur, tibet we falunggungchilar parizhda xitaygha qarshi namayish élip bardi

Uyghur, tibet we falunggungchilar élip bargha xitaygha qarshi namayishidin körünüsh. 2014-Yili 6-dékabir, parizh.

6-Dékabir firansiyening paytexti parizh shehiride Uyghur, tibet, falun'gung we xitay démokratchiliri birlikte “Xelq'ara kishilik hoquq küni” ni xatirilesh munasiwiti bilen xitaygha qarshi namayish élip barghan.

Namayish parizh shehiridiki éyfil munari etrapidiki erkinlik meydanida ötküzülgen bolup, namayishqa ikki yüzge yéqin kishi qatnashqan.

Namayishta firansiye Uyghur jem'iyitining re'isi erkin ablimit söz qilip, nöwettiki Uyghur weziyiti, xitay türmisige muddetsiz qamalghan Uyghur öktichi ziyaliysi ilham toxti toghrisida toxtalghan.

Namayish chüshtin kéyin sa'et üchtin beshke qeder dawamlashqan.

Yaponiyede turushluq ixtiyariy muxbirimiz haji qutluq qadiri neq meydan'gha téléfon qilip, firansiye Uyghur jem'iyitining re'isi erkin ablimit, mu'awin re'isi nesirdin we shundaqla namayish ishtirakchiliridin rizwan'gül qatarliqlar bilen söhbet élip bardi.

Yuqiriqi awaz ulinishidin tepsilatini anglang.