Peyziwatning shaptol saqchixanisida tursun'gül isimlik bir Uyghur ayal hayatidin ayrilghan

Muxbirimiz qutlan
2015.06.24
Share on WhatsApp
Share on WhatsApp
urumchi-qoralliq-saqchi-20130630.jpg Ürümchide Uyghurlar topliship yashawatqan rayonlarning kochilirigha qoyulghan qoralliq saqchilar. 2013-Yili 30-iyun, ürümchi.
AFP


Igilishimizche, bu yil 2 - ayning axiri peyziwat nahiyelik saqchi idarisining xadimliri xitayning jenubiy ölkiliridin 32 yashliq tursun'gülni tutup yurtigha élip kelgen.

Melum bolushiche, peyziwat nahiyesining shaptol yézisida olturushluq tursun'gül baliliri bilen bille xitayning jenubiy ölkiliride birqanche aylardin buyan yoshurunup yürgen. Tursun'gülning yoldishi ilgiri chet'elge chiqip ketken bolup, uning ayali bilen bala - chaqiliri xitayning jenubiy ölkiliri arqiliq chet'elge chiqip bir a'ile jem bolushni pilan qilghan.

Ehwaldin xewerdar kishilerning radiyomizgha bildürüshiche, bu yil 2 - ayda tursun'gül xitayning jenubiy ölkiliride xitay saqchiliri teripidin tutqun qilin'ghan. Xitay saqchiliri uni qattiq qiyin - qistaqqa élip, uning nedin kelgenliki we qeyerge barmaqchi ikenlikini bilishke urun'ghan bolsimu, lékin u bir éghizmu iqrar qilmighan.

Aridin bir ötkende peyziwat nahiyelik saqchi idarisidin mexsus adem kélip uni yurtigha élip ketken. Tursun'gülning 15 yashliq bir qizi we bir yashqa tolmighan bir oghlining barliqi melum.

Ehwaldin xewerdar kishilerning bildürüshiche, tursun'gül peyziwatqa élip kélinip bir hepte bolmayla shaptol saqchixanisidiki qiyin - qistaqta hayatidin ayrilghan. Saqchilar aldi bilen miyitni yoshurun depne qiliwétip, andin kéyin tughqanlirigha “Yürek késili bilen qaza qildi” dep uqturghan.

Biz bu weqeni delillesh üchün peyziwat nahiyesi shaptol yéziliq xelq qurultiyining mudiri qurban tur bilen yéziliq hökümetning mu'awin bashliqi musajan emetke téléfon qilduq. Halbuki, bu ikki neper yéza rehbiri her xil bahane - sewebler körsitip so'allirimizdin özini qachurdi yaki bu ishni qesten bilmeske séliwaldi.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.