Peyziwatta "Eksilinqilawiy" teshwiqat wariqi tarqatqan we alghan 3 kishi qayta qamaqta

Muxbirimiz shöhret hoshur
2017-06-23
Share
barin-inqilabi-tutulghan-uyghur.jpg Barin inqilabida yighiwélin'ghan Uyghurlar.
RFA/Qutluq

Peyziwatning barin yézisida 8 yilning aldida atalmish eksilinqilawiy teshwiqat wariqi tarqatqan we alghan 3 kishi yéqinda qaytidin qamaqqa élin'ghan. Melum bolushiche, bulardin ikki nepiri burun 6 ayliqtin qamaq jazasini tamamlighan, bir nepirining teshwiqat wariqini saqlighanliqi yéngidin bayqalghan. Mezkur teshwiqat wariqini teyyarlighan kishi barinning ikkinchi kentidin bolup, u eyni chaghda muddetsiz qamaqqa höküm qilin'ghan bolup, nöwette jaza mudditini ötimekte.

Bu heqte melumat bergen kent sékrétari mezkur teshwiqat wariqining konkrét mezmunini dep bérelmidi. Sabiq saqchi xadimi yolwas ependi, Uyghur rayonidiki bu xil teshwiqat waraqlirining köpinche hallarda xitay köchmenlirige naraziliq we ularni yurtigha qaytishqa chaqiriq mezmunida bolidighanliqini ilgiri sürdi.

Hörmetlik radi'o anglighuchilar, peyziwatning barin yéza 1-kent sékrétarining ashkarilishiche, uning kentidin nöwette nahiyilik terbiyilesh merkizide tutup turuluwatqan 18 kishining üch nepiri 8 yil awwalqi qilmishi seweblik tutulghan.
Melum bolushiche, 8 yil awwal, barin yézisida bir atalmish eksilinqilawiy teshwiqat wariqi tarqitish weqesi yüz bergen. Weqede teshwiqat wariqini teyyarlidi dep eyiblen'gen bash gumandar muddetsiz késilgen؛ teshwiqat wariqini tarqatqan we bilip-bilmey saqlighan köpligen kishi eyni chaghda oxshimighan qamaq jazasigha uchrighan. Bulardin 6 ayliqtin qamaq jazasini tügetken xudaberdi abliz bilen ghopur raxman bu qétim qaytidin tutulghan؛ alim ghoji teshwiqat wariqini saqlighanliqi yéngidin bayqilip tutulghan. 

Peyziwattiki saqchi we sot xadimliri teshwiqat wariqi délosi tolimu sezgür bolghanliqi üchün , bu heqte melumat bérelmeydighanliqini éytti. Biz bu heqte Uyghur rayonida bir mehel saqchi xadimi bolghan we nöwette türkiyede yashawatqan yolwas ependini ziyaret qilduq. U teshwiqat wariqining texminen mezmuni heqqide öz qarashlirini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet