Аңлиғучиларниң инкаси: "мәзин әкбәр нәсирдин нәзирдә полу йемигәнлики үчүн солақта"

Мухбиримиз шөһрәт һошур
2016-03-25
Share
xoten-tutqun-partlash-qarshiliq.jpg Үрүмчи, йәкән қатарлиқ җайларда партлаш йүз бәргәндин кейин, хитай сақчилириниң уйғурларни тутқун қиливатқан көрүнүши. 2014-Йили 27-май, хотән.
Oqurmen teminligen

Ойманбайтоқайда коллектип тутқун қилинған 41 сиясий мәһбус һәққидики хәвәрлиримиз тарқалғандин кейин аңлиғучилиримиздин бири радийомизға инкас йезип, 41 тутқунниң һәммисиниңла нәзиргә бармиғанлиқи үчүн тутулмиғанлиқини, булардин мәзин әкбәр нәсирдин қатарлиқларниң мәзкур нәзиргә берип полу йемәй қайтқанлиқи үчүн солақта икәнликини паш қилди. Мухбиримизниң илгириләп әһвал ениқлиши давамида бу инкасниңму тоғрилиқи дәлилләнди.

Мәлум болушичә 31 яшлиқ мәзин әкбәр нәсирдин нәзиригә барған, әмма у нәзирдин балдур қайтқан. У нәзирдин қайтқанда, униң бир түркүм достлириму бирликтә қайтқан. Сабиқ компартийә әзаси һарун дегән кишиниң йәттә нәзириниң җамаәтсиз өтиши тәвәликтики хитай дөләт аманлиқ сақчилириниң диққитини тартқан.

Хитай өткән йили, диний әсәбийликниң 75 хил аламити намлиқ бир қолланма тарқатқан. Бу қолланминиң 8 - маддисида партийә әзалири билән кәнт кадирлири билән саламлашмаслиқ, улар билән қудилашмаслиқ, уларниң мейитини узатмаслиқ диний әсәбийликниң аламити дәп көрситилгән. Бу қолланма әйни чағда уйғур сиясий паалийәтчи вә көзәтчиләрниң диққитини тартқан.

Аңлиғиниңлар, түркийәдики сиясий көзәткүчи абдуләизиз әпәндиниң баянлири. Демәк ойманбайтоқайдики коллектип тутқун хитай даирилири өткән йили тарқатқан диний әсәбийликниң 75 хил аламити намлиқ сиясий қолланмиға асасән елип берилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт