Qaramay shehiride mektep pütturup kelgen Uyghurlarning ishqa orunlishish nispiti töwen bolmaqta

Qaramay shehiride her yili mektep pütturup kélidighan Uyghur oqughuchilarni néfitlik orunlirigha xizmetke élish üchün, yerlik da'iriler 7 - 8 - aylarni émtihan élish waqti qilip belgilep 29 yashtin töwen bolghan mektep putturup kélip xizmet saqlawatqan qaramay nopusidiki yashlarni émtihan'gha qatnashturup, bularning ichidin layaqetlik bolghanlardin 8% yashlarni xizmetke orunlashturidiken.

Qaramayda her yili mektep putturup kélidighan oqughuchilar sani 1200neper etrapida bolup, Uyghurlarmu mushu émtihanda layaqetlik bolsa, andin hökümet karxansidiki xizmet orunlirigha ige bolalaydiken.

Néfitlik émtihanigha Uyghurlardin mektep putturup kelgen we xizmet saqlawatqan bolup, ottura hésab bilen 1500 neper etrapida Uyghur yashlar qatnishidiken.

Qaramay shehiridiki Uyghurlardin ish kutup turghan Uyghur yashlar sani éniqsiz melumatta 5000 din ashidighanliqi texmin qilinmaqta.

Bu heqte yerlik hökümet orunliridin ehwal igileshke tirishqan bolsaqmu, ular ish kutup turghan Uyghur yashlarning sanini ashkarilashtin özlirini qachurdi.

Néfitlik émtihanida chiqidighan so'allar köp da'irini öz ichige alghan bolup, qaramay tarixi, karxana medeniyiti, milletler ittipaqliqi, qanun, kespi exlaq,edep - exlaq, saghlamliq, bixeterlik qatarliq mezmunlarni asas qilidiken. Belgilen'gen émtihan waqti ikki sa'et bolup, 125nomurluq tallash sheklide so'al chiqirilidiken. Bu émtihanning salmiqi bir qeder éghir hemde xizmet orun cheklik bolghachqa, Uyghur yashlarning xizmetke orunlishish nispiti 1500 neper émtihan berguchidin texminen 50 nepiri öteleydiken.

Qaramay shehiridiki xitay köchmenlirining nispiti toluqsiz melumatta 98%din artuq bolup, qaramay néfitlikini deslepki qedemde achqan Uyghurlarning newrilirining hazir ishsizliq nispiti eng yuqiri orunda turmaqta.

Qaramay shehiridiki karxanilarni bashqurghuchi we xizmetke alghuchi orunlarning mes'ulliri xitaylar bolghachqa, Uyghurlarni milliy kemsitish bilen bille, yüzidin - yüzige Uyghurlarni almaymiz dep ret qilidiken.

Biz bu toghrisda ehwal igilesh üchün qaramay shehiridiki ish kutup turghan yashlarni ziyaret qilduq. Ziyaritimizni qobul qilghan, emma ismni ashkarilashni xalimighan bir yash we bu émtihan'gha qatniship ötelmey, émtihan bérish yash cheklimisi éship ketken, ish kutup turghan yash bu heqte sorighan so'allirimizgha jawab berdi.

Bu piragrammini shiwitsiyedin ihsan teyyarlidi.