Xitayning börtala saqchiliri, rabixan musa anining shikayet we murajitidin bi'aram bolushqa bashlidi

Muxbirimiz shöhret hoshur
2016-09-26
Share
rabiyxan-musa-ana-1.jpg 5 Yildin béri didarini körmigen kenji oghli qurbanjanni körüshke teshna bolghan rabiyxan ana.
RFA/Shohret Hoshur


Pasporti tartiwélin'ghan börtalaliq rabixan musa ana ikki heptidin béri radiyomiz ziyaritini qobul qilip özining norwégiyediki oghlini körüsh arzusining tosqunluq we zorawanliqqa uchrighanliqi heqqide shikayet qilghan we dunya jama'itidin Uyghur anilirining bu jehettiki derdige derman bolushi üchün yardem telep qilghan idi. Melum bolushiche, xitay saqchiliri rabixan anining dunyagha tarqalghan bu awazigha deslepki 10 künde qulaq yopurup baqqan bolsimu, axiri bi'aram bolushqa bashlighan. Rabixan anining déyishiche, saqchilar 4 künning aldida uning chong oghli arqiliq uninggha axbarat ziyaritini qobul qilmasliq heqqide yoshurun agahlandurghan, bügün bir neper saqchi uni öyige izdep kélip pasporti heqqidiki erz - shikayitidin waz kéchishni telep qilghan we buning bedilige özining rabixan anining pasportining bérilishige yardem qilidighanliqini éytqan. Töwende muxbrimiz shöhret hoshurning bu heqte teyyarlighan programmisi diqqitinglarda bolidu.

Hörmetlik radi'o anglighuchilar yuqurida anglighininglar, rabixan musa ana bilen 4 künning aldida ötküzgen söhbet xatirimiz, töwende bügünki söhbet xatirimiz diqqitinglarda bolidu.

Hörmetlik radi'o anglighuchilar, yuqarqilardin melum bolishiche, xitayning börtaladiki saqchiliri rabixan musa anining pasport heqqidiki erz - shikayetlirige qandaq mu'amile qilishta téngirqimaqta. Bezi Uyghur közetküchiler, xitayning rabixan anigha pasportini qayturup bérish arqiliq xelq'ara jama'et aldidiki setchiliktin özini qoghdaydighanliqini perez qilsa, yene bezi közetküchiler xitayning bir qanun döliti emeslikini ilgiri sürüp, 82 yashliq rabixan anigha qarita zorawanliqini yene dawamlashturidighanliqini perez qilishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.