ساقچى، رابىيخان مۇسا ئانىنىڭ رابىيە قادىر خانىمنى دوراپ قېلىشىدىن ئەنسىرەيدىغانلىقىنى ئېيتقان

مۇخبىرىمىز شۆھرەت ھوشۇر
2016.10.17
Share on WhatsApp
Share on WhatsApp
qurbanjan-arif-rabiyxan-musa-ana-1.jpg 5 يىلدىن بېرى دىدارىنى كۆرمىگەن كەنجى ئوغلى قۇربانجاننى كۆرۈشكە تەشنا بولغان رابىيخان ئانا.
RFA/Shohret Hoshur

پاسپورت مەسىلىسى سەۋەبلىك خىتاي دائىرىلىرى ئۈستىدىن رادىيومىزدا شىكايەتلىرىنى بايان قىلىۋاتقان بورتالالىق 82 ياشلىق رابىيخان مۇسا ئانا ئالدىنقى كۈنى ئالاقىدار ساقچى خادىمى بىلەن سۆھبىتى داۋامىدا پاسپورتى بېرىلمەسلىكنىڭ سەۋەبى ھەققىدە يېڭى بىر ئىزاھاتقا ئېرىشكەن. ساقچى خادىمى بۇ قېتىمقى ئىزاھاتىدا ساقچىلارنىڭ رابىيخان ئانىغا پاسپورتى بېرىلسە، چەتئەلگە چىققاندىن كېيىن رابىيە قادىر خانىمغا ئوخشاش خىتايغا قارشى ھەرىكەت قىلىشىدىن ئەندىشە قىلىدىغانلىقىنى ئېيتقان.

بىز ساقچى خادىمىنىڭ بۇ سۆزىنىڭ بىر دىققەتسىزلىك ياكى مەسئۇلىيەتسىزلىكتىن دېيىلگەن ياكى دېيىلمىگەنلىكىنى ئايدىڭلاشتۇرۇش ئۈچۈن، نۆۋەتتە تۈركىيەدە ياشاۋاتقان سىياسىي كۆزەتكۈچى، خىتاينىڭ سابىق ساقچى خادىمى يولۋاس ئەپەندىنىڭ تەخمىنلىرىنى سورىدۇق. ئۇ، رابىيخان ئانىغا دېيىلگەنلەرنىڭ خىتاي دۆلەت بىخەتەرلىك ئورگىنىغا ۋەكىللىك قىلىدىغان رەسمىي ۋە جىددىي سۆزلەر بولۇش ئېھتىماللىقىنى ئوتتۇرىغا قويدى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت