Arxip
2014-08-28
Charshenbe küni, dunya Uyghur qurultiyi re'isi rabiye qadir xanim amérika döletlik axbarat kulubida yeken weqesining tepsilati heqqide élan qilghan bayanatida, xitay hökümitining yekende qirghinchiliq qilghanliqini bildürdi.
2014-08-28
Bu yil 4-ayning béshida anglighuchilirimizdin radi'omizgha inkas yollap aqsu aykölde bir siyasiy mehbusning türmide ölgenlikini melum qilghan idi.
2014-08-27
Yéqinda ijtima'iy uchur wastilirida qizilsu yéziliq partkom we hökümet namida “Muqimliqni saqlash boyiche chatma jawabkarliqni ortaq üstige élish mes'uliyetnamisi” dégen belgilime tarqalghan.
2014-08-26
Abduweli ayup, muhemmetsidiq we dilyar obul qatarliq üch neper wijdan mehbusi tutqun qilinip top - toghra bir yil ötkende ulargha jaza hökümi élan qilin'ghanliqi melum bolmaqta.
2014-08-26
Muxbirimiz aqsu aykölde su tutuwatqan déhqan yash tuniyaz qurbanning étiwétilish weqesi heqqide ehwal igilesh dawamida, aykölde ötken yili roza héyt harpisida yüz bergen qanliq toqunushta tutqun qilin'ghanlarning aqiwiti heqqidimu melumatqa érishti. Shu qétimliq weqede sani 500 che etrapida bolghan amma bilen xitay qoralliq qisimliri arisida toqunush yüz bérip, weqedin kéyin yüzlerche kishi tutqun qilin'ghan idi.
2014-08-26
Tibetlerning rohaniy dahiysi dalay lama 8 - ayning 26 - küni gérmaniyening hamburg shehiride ötküzülgen yighinda qilghan nutiqida Uyghurlarning hazirqi éghir weziyiti toghrisidimu toxtalghan. Bu yighinda xitayni, Uyghurlarni shiddet yoligha mejbur qilmasliqqa chaqirghan.
2014-08-25
Xelq'ara metbu'atlarda, xitay da'iriliri bu yil 23 - may küni “Bir yilgha sozulghan térrorluqqa zerbe bérish” herikiti élip baridighanliqini jakarlighandin buyan, peqet Uyghur élidinla “Térrorluq, bölgünchilik, diniy esebiylik” qatarliq jinayetler bilen eyiblinip tutqun qilin'ghanlarning 800 din ashqanliqi ilgiri sürgen.
2014-08-22
Aqsu aykölde xitay saqchilirining öy axturush we tutqun qilish heriketliri qanliq shekilde dawam qilmaqta. Aykölde ötken shenbe küni yeni 16 - awghust küni yasin awut we tuniyaz qurbandin ibaret ikki neper yash öy axturush we charlash dawamida étiwétilgen idi. Xitay saqchiliri seyshenbe küni 19 - kent 3 - guruppa ezasi 21 yashliq ömer ablanimu aqsu shehiride taksichiliq qiliwatqan mezgilide étip tashlighan.
2014-08-22
Yéqinda “Démokratik xitay” torida xitaydiki öktichi ziyaliylardin gaw xungmingning “Uyghur ilida yüz bériwatqan qanliq weqeler kommunistik hakimiyetning zorawan siyasitining netijisi” namliq maqalisi ilan qilindi.
2014-08-21
Hörmetlik radi'o anglighuchilar, biz tünügünki programimizda aqsu aykölde shenbe küni ikki neper déhqan yashning xitay saqchiliri étizda étiwétilgenliki heqqide xewer bergen iduq. Muxbirimizning weqe heqqidiki dawamliq éniqlashliri dawamida, étiwétilgen yashlardin birining 20 - kent ezasi 25 yashliq yasin awut ikenliki, yene birining bolsa 19 - kent e'azsi 26 yashliq tuniyaz qurban ikenliki ashkarilandi. Kent amanliq mudirining ashkarilishiche, saqchilar shenbe küni etigende tuniyaz qurbanni étiz yaqilap su tutuwatqan yéride, térrorluq guruppisining ezasi gumani bilen qorshawgha alghan we tuniyaz qurban qolidiki ketmenni derhal tashliwetmigenliki üchün, qarshlilashti dep qarilip étiwétilgen.
2014-08-21
Xitay da'irilirining “Térrorluqqa zerbe bérish” namida Uyghurlargha qaratqan basturushni yenimu kücheytishi, chet'ellerdiki xitay démokratlirining diqqitini qozghighan. Ular Uyghur qatarliq milletlerge qaritilghan basturush xitay kommunist hökümiti qurulghandin bashlapla yürgüzülüwatqan bolsimu, emma oxshimighan dewrlerde oxshimighan namlarda atilip bügünki intérnét uchuri dewrige kelgende, xelq'araning eyiblishidin saqlinish üchün “Térrorluq qalpiqi” astida élip bériliwatqanliqini ilgiri sürmekte.
2014-08-21
Da'irilerning qeshqerde Uyghur kadirlarni namaz ötigenliki we atalmish térrorluqqa zerbe bérish mesiliside meydani müjmel bolghanliqi qatarliq sewebler bilen jazalighanliqi heqqide toxtalghan Uyghur pa'aliyetchiler, xitay hökümiti üchün Uyghurlarning ne kadiri, ne puqrasining perqi yoqluqi, meyli qandaq bolushidin qet'iy nezer xitayning Uyghur kadirlargha ishenmeydighanliqini bildürüshti.
2014-08-20
Bügün radi'omizgha kelgen bir namsiz xette bayan qilinishiche, yéqinda aqsu aykölde ikki neper Uyghur yash xitay eskerliri teripidin étiwétilgen. Xette yene bayan qilishiche, eskerler étizda ishlewatqan ikki neper yashni so'al - soraqsizla étiwetken. Xette étiwétilgen ikki neper yashtin birining ismining yasin qari ikenliki bayan qilin'ghan. Muxbirimizning bu yip uchigha asasen éniqlashliri dawamida, weqening 16 - awghust yeni shenbe küni aykölning hasa dégen yéride yeni 19 - kenttiki seyshenbe bazarda yüz bergenliki ispatlandi.
2014-08-20
Hörmetlik radi'o anglighuchilar, 8 - ayning 9 - küni missori shitati férguson shehiride 18 yashliq qara tenlik bir bala saqchi teripidin étip öltürülgen. Weqege chétishliq saqchi özini qoghdash üchün uni étishqa mejbur bolghanliqini ilgiri sürse, buninggha qarshi chiqquchilar saqchining héchqandaq tehdit yoq bir ehwal astida, qolida qoral bolmighan bir baligha heddidin ziyade küch qollan'ghanliqini bildürmekte.
2014-08-18
Xitay da'iriliri 2012 - yili martta dunyagha bayanat élan qilip, ölüm jazasi ijra qilghanlarning organlirini ishlitishni kelgüsi besh yil ichide bikar qilidighanliqi heqqide wede bergen idi. Shundaqla bu boshluqni organ i'ane qilish insanperwerlik ishliri arqiliq tolduridighanliqinimu otturigha qoyghan. Halbuki, xitay sehiye tarmaqlirining élan qilishiche, xitayda xelqning öz organ yaki jesitini i'ane qilishtek insanperwerlik éngi omumyüzlük töwen bolghanliqtin organ almashturushqa éhtiyajliq nurghun kishilerning öz jénini qutquzup qélishning yoli yenila qanunsiz organ sodisi bolup kelmekte.